1  אַ֥שְֽׁרֵי־הָ/אִ֗ישׁ c We read one or more accents in L differently than BHS. Often this notation indicates a typographical error in BHS. אֲשֶׁ֤ר ׀ לֹ֥א הָלַךְ֮ בַּ/עֲצַ֪ת רְשָׁ֫עִ֥ים וּ/בְ/דֶ֣רֶךְ חַ֭טָּאִים לֹ֥א עָמָ֑ד וּ/בְ/מוֹשַׁ֥ב לֵ֝צִ֗ים לֹ֣א יָשָֽׁב׃ 2  כִּ֤י אִ֥ם בְּ/תוֹרַ֥ת יְהוָ֗ה חֶ֫פְצ֥/וֹ וּֽ/בְ/תוֹרָת֥/וֹ יֶהְגֶּ֗ה יוֹמָ֥ם וָ/לָֽיְלָה׃ 3  וְֽ/הָיָ֗ה כְּ/עֵץ֮ שָׁת֪וּל עַֽל־פַּלְגֵ֫י מָ֥יִם אֲשֶׁ֤ר פִּרְי֨/וֹ ׀ יִתֵּ֬ן בְּ/עִתּ֗/וֹ וְ/עָלֵ֥/הוּ לֹֽא־יִבּ֑וֹל וְ/כֹ֖ל אֲשֶׁר־יַעֲשֶׂ֣ה יַצְלִֽיחַ׃ 4  לֹא־כֵ֥ן הָ/רְשָׁעִ֑ים כִּ֥י אִם־כַּ֝/מֹּ֗ץ אֲֽשֶׁר־תִּדְּפֶ֥/נּוּ רֽוּחַ׃ 5  עַל־כֵּ֤ן ׀ לֹא־יָקֻ֣מוּ רְ֭שָׁעִים בַּ/מִּשְׁפָּ֑ט וְ֝/חַטָּאִ֗ים בַּ/עֲדַ֥ת צַדִּיקִֽים׃ 6  כִּֽי־יוֹדֵ֣עַ יְ֭הוָה דֶּ֣רֶךְ צַדִּיקִ֑ים וְ/דֶ֖רֶךְ רְשָׁעִ֣ים תֹּאבֵֽד׃

c1:1 We read one or more accents in L differently than BHS. Often this notation indicates a typographical error in BHS.

©