\id=GEN Matigsalug Version
\usfm=3.0
\ide=UTF-8
\headers
\h=Hinisis
\toc1=Hinisis
\toc2=Hinisis
\toc3=Hin
\mt1=Hinisis
\mt2=Ka Bunsuranan
\¬headers
\intro
\is1=Igpewun‑a
\ip=Ka kaluwasan te lalag ne \bk Hinisis\bk*, “bunsuranan”. Seini ne baseen, kayi nasulat ka peggimu te langit wey te tane, ka migpuunan te etew, wey ka bunsuranan te sale wey peg-antus kayi te kalibutan. Nasulat man‑e kayi ka guhuren meyitenged te keet-etawan ne in-alam te Manama wey ka peg-uyan din kandan diye te inged ne insaad din kandan.
\ip=Nabaad te daruwa seini se baseen:
\ip=1.) Ka peggimu te kalibutan wey ka guhuren meyitenged te me etew. Kayi egkabasa ka guhuren meyitenged ki Adan wey ki Iba, ka meyitenged ki Kain wey ki Abil, wey ka meyitenged ki Nuwi wey ka pegsipuk te weyig, wey ka meyitenged te matikang ne baley diye te Babil.
\ip=2.) Ka guhuren meyitenged te an-anayan ne me kabuybuyahan te Israilita. Si Abraham ka an-anayan ne kabuybuyahan te Israilita ne neyimu ne mabantug tenged te pegpalintutuu wey pegsalig din wey te pegtuman din te suhu te Manama. Egpakasinundul degma ka guhuren meyitenged te anak din ne si Isaak, wey ka apu din ne si Hakub (ne egngaranan ded degma ki Israil), wey ka sapulu wey daruwa (12) ne anak ni Hakub ne iyan migpuunan te sapulu wey daruwa (12) ne me kabuhalan te Israil. Nahuhud degma kayi ka meyitenged te anak ni Hakub ne si Husi wey ka neyitabu kandin ne iyan impuunan te nekeendiye te Ihiptu si Hakub duma te me anak din.
\ip=Egkabasa ta man‑e kayi ka guhuren meyitenged te nalein-lein ne me etew ne nabuhal-buhal kayi te ampew te tane wey migmannenasud e. Labew te langun, nahuhud kayi ka dakel ne himu te Manama ne peggimu te langit wey tane wey te langun ne nakatahu kayi.
\ip=Diye te katamanan te guhuren, egkahuhud ka ware egtamanan ne saad te Manama te keet-etawan din. Kene eglingawan te Manama ka saad din wey kene din iya egbalaharen ka keet-etawan din su egpanuluen wey egbulihan din sikandan. Ne sikandin ka eggukum wey eglegpad te langun ne eggimu te mareet.
\iot=Ka nenasulat te seini ne baseen
\io1=Ka peggimu te Manama te langit wey te kalibutan \ior 1:1–2:25\ior*
\io1=Ka bunsuranan te sale wey te peg-antus \ior 3:1-24\ior*
\io1=Ka guhuren ki Adan peendiye te ki Nuwi \ior 4:1–5:32\ior*
\io1=Si Nuwi wey ka pegsipuk te weyig \ior 6:1–10:32\ior*
\io1=Ka matikang ne baley diye te Babil \ior 11:1-9\ior*
\io1=Ka guhuren ki Sim peendiye te ki Abraham \ior 11:10-32\ior*
\io1=Ka me kabuybuyahan te me Hibruwanen: si Abraham, si Isaak, wey si Hakub \ior 12:1–35:29\ior*
\io1=Ka me kabuhalan ni Isaw \ior 36:1-43\ior*
\io1=Si Husi wey ka me suled din \ior 37:1–45:28\ior*
\io1=Ka me Hibruwanen diye te Ihiptu \ior 46:1–50:26\ior*
\¬iot
\chapters