\id=HEB Matigsalug Version
\usfm=3.0
\ide=UTF-8
\headers
\h=Hibruwanen
\toc1=Hibruwanen
\toc2=Hibruwanen
\toc3=Hib
\mt2=Ka sulat ne igpeendiye te
\mt1=Hibruwanen
\¬headers
\intro
\is1=Igpewun‑a
\ip=Ka seini ne sulat, ware nanengnengi ke hentew ka migsulat kayi, piru igpeendiye seini te sabeka ne punduk te me Hudiyu ne migmalintutuu ne egngaranan degma te Hibruwanen. Insulat seini su eyew egkalig‑en ka pegpalintutuu ran tenged su nana-nasian e ka keyirapan ne eg-antusen dan wey in-el-elehan ka pegpalintutuu ran ki Kristu. Sikan naa, imbagget sikandan te talagsulat meyitenged te pegpalintutuu ran wey impanulu din sikandan te si Hisu Kristu ka malehet wey ka katammanan ne impakita te Manama te me etew kayi te ampew te tane.
\ip=Ne due seini se tatelu ne kamalehetan ne mig-ay-ayaran din te egpanulu: (1) Si Hisus ka ware bunsuranan wey ware katamanan ne Anak te Manama. Ne labew pad sikandin te me prupita, me panalihan, wey minsan ki Muwisis. (2) Si Hisus ka impeila te Manama ne ware katamanan ne talagpanubad. Labew sikandin te me talagpanubad diye te Tapey ne Kasabutan. (3) Ne pinaahi ki Hisus, ka migpalintutuu kandin egkaluwas te sale wey te kamatayen.
\ip=Nahuhud diye te kapitulu 11 ka meyitenged te pegpalintutuu te mabantug ne me Hibruwanen puun pad dengan. Sikan naa, imbagget te talagsulat ka migmalintutuu ne eglig‑en te pegpalintutuu ran. Ne diye te kapitulu 12, imbagget din man‑e sikandan ne egpabulus ka egmatinumanen taman te katamanan, ne iyan de egtengtengan si Hisus. Igpaantus man‑e kandan ka me keyirapan wey ka pegbayad-bayad ne egginguma kandan. Piru keilangan ne egkatahaan dan ne seeye se langun, pegdisiplina re kandan te Manama isip me anak din. Mig-impusan din ka seini ne sulat pinaahi te pegtambag din wey pegpaney-paney rin.
\iot=Ka nenasulat te seini ne baseen
\io1=Igpewun‑a: Ka Anak iling ded te Manama \ior 1:1-3\ior*
\io1=Labew si Kristu te me panalihan \ior 1:4–2:18\ior*
\io1=Labew si Kristu engki Muwisis wey ki Huswi \ior 3:1–4:13\ior*
\io1=Si Kristu ka labew te langun ne talagpanubad \ior 4:14–7:28\ior*
\io1=Labew ka kasabutan ni Kristu du te langun ne me kasabutan \ior 8:1–9:28\ior*
\io1=Labew te langun ka pegpanubad ki Kristu \ior 10:1-39\ior*
\io1=Ka panunggilingan te pegpalintutuu ne eg-ikulen ta \ior 11:1–12:29\ior*
\io1=Ka katammanan ne pegpaney-paney wey ka pegpanulu \ior 13:1-25\ior*
\¬iot
\chapters