10
Ka peg-angken te keet-etawan te sale dan
1 Taheed te mig-ampu wey migpangguhud te sale si Isra ne migsinehew wey miglangkeb diye te egkatangkaan te timplu te Manama, due susuluhi ne Israilita ne me lukes, me malitan wey me bate ne miglingut kandin. Ne migpanaman-taman degma sikandan migpandalawit.
2 Ne si Sikaniyas ne anak ni Hihil, ne sabeka te me kabuhalan ni Ilam, migkahi ki Isra, “Kene key ne matinumanen te Manama ta su mig-asawa key te lapu ne me malitan puun te keet-etawan ne nakalingut kanta. Piru minsan pad due, duen ded egkapallateng te keet-etawan te Israil.
3 Ne kuntee, eggimu key te kasabutan diye te Manama ta ne egdeldelen ney ka me asawa ney duma te me anak ney, sumale te tambag nu wey te seeye se duma ne migtahud te me suhu te Manama ta. Eggimuwen ney seini sumale te Balaud te Manama.
4 Ne pangandam ke naa su himu nu iya ka pegnangen kanami ke nekey ka eleg ne eggimuwen. Egbulihan ney sikeykew, purisu pakannekal ka wey himuwa nu seini.”
5 Sikan naa, migsasindeg si Isra wey impasaad din ka me pangulu te me talagpanubad, ka me Libita, wey ka langun ne Israilita eyew egtumanen dan ka ingkahi ni Sikaniyas. Ne dutu, migsaad e sikandan langun.
6 Ne mig-awe e si Isra diye te tangkaan te timplu te Manama, wey miggendiyad e te sinabeng ni Hihuhanan ne anak ni Iliyasib. Taheed te diye sikandin, ware sikandin migkeen wey mig-inum te weyig, tenged su migpabulus pad sikandin ka miglungku tenged te ware migmatinumanen ka nekeuli ne naddakep dengan.
7 Ne impataha ka intiru ne Huda wey Hirusalim, ne keilangan ne eglibulung diye te Hirusalim seeye se langun ne nekeuli puun te pegkarakep.
8 Ne ke hentew seeye se kene egpakalepew seled te tatelu ne aldew, eg-ahawen ka langun ne karatuan din, sumale te pegbuut te me upisyal wey te me igbuyag, wey egdeldelen e sikandin puun te punduk te seeye se nekeuli puun te pegkarakep.
9 Ne miglibulung diye te Hirusalim ka langun ne lukes te Huda wey te Binhamin seled te tatelu ne aldew, wey naminnuu sikandan diye te plasa te timplu te Manama. Neyitabu seeye te igkararuwa ne pulu (20) ne aldew te igkasiyam ne bulan. Ne nangelkel amana te kaaldek ka me etew tenged te mapahetpet ne kasabutan dan, wey tenged te makeseg ne uran.
10 Ne migsasindeg si Isra ne talagpanubad wey migkahi diye te kandan, “Kene kew ne matinumanen, su te pegpangasawa niyu te me lapu ne me malitan, intimulan niyu ka sale te Israil.
11 Ne kuntee, ipangguhud niyu ka me sale niyu diye te Magbebaye ne Manama, ne Manama te kaap-apuan niyu, wey himuwa niyu ka igkeupii rin. Pariyu kew puun te keet-etawan ne nakalingut kaniyu wey puun te me asawa niyu ne lapu.”
12 Ne migtabak ka intiru ne punduk ne migpanguleyi te meemen, “Eleg ka! Keilangan ne eggimuwen ney ke nekey ka ingkahi nu.
13 Piru masulug ka me etew wey makeseg ka uran te seini ne timpu, sikan naa, kene key egpakaantus kayi te lihawangan. Timul pad due, ka seini ne prublima kene egkeimpusan te sabeka re ne aldew wey ke daruwa naa, tenged su masulug ney te nekeyimu te dakel ne sale.
14 Iggaat tad e kayi te Hirusalim ka me upisyal eyew iyan egpiyalan kayi. Ne egpeendiniyen de te intahahe ne timpu ka langun ne diye te me lungsud ney ne nenakaasawa te me malitan ne me lapu duma te me igbuyag wey me talewukum te tagse lungsud, taman te egkaawe e kayi te kanta ka mangune-kune ne langet te Manama.”
15 Ne iyan de migsupak kayi si Diyunatan ne anak ni Asahil wey si Hasiya ne anak ni Tikba, wey inlapihan sikandan ni Misulam, wey ni Sabitay ne Libita.
16 Ne intuman sika te seeye se nekeuli puun te pegkarakep. Purisu si Isra ne talagpanubad, mig-alam te me lukes ne pangulu te me pamilya te tagse kabuhalan, wey inlista langun ka me ngaran dan. Te an-anayan ne aldew te igkasapulu ne bulan, migpinnuu sikandan eyew te peg-ugsi-ugsi te prublima.
17 Ne te an-anayan ne aldew te an-anayan ne bulan, neimpusan dan e ka peg-ugsi-ugsi te langun ne lukes ne migmangasawa te lapu ne me malitan.
Ka me lukes ne nakaasawa te me lapu
18-19 Due me talagpanubad ne nakaasawa te me lapu. Migsaad sikandan ne eg-engked te me asawa ran wey migpanubad man‑e te lukesan ne karniru para te me sale dan. Seini sikandan: si Maasiyas, si Ilisir, si Harib, wey si Gidalyas ne egpuun te me kabuhalan ni Hiswi ne anak ni Husadak wey te me suled din.
20 Si Hanani wey si Sibadyas, ne egpuun te me kabuhalan ni Imir.
21 Si Maasiyas, si Ilyas, si Simaya, si Hihil, wey si Usiyas, ne egpuun te me kabuhalan ni Harim.
22 Si Iliyuwinay, si Maasiyas, si Ismail, si Nitanil, si Husabad, wey si Ilasa, ne egpuun te me kabuhalan ni Pasur.
23 Ne ka egpuun te me Libita iyan ensi Husabad, si Simii, si Kilayas ne ingngaranan degma ki Kilita, si Pitahiyas, si Huda wey si Ilisir.
24 Puun te me mangngulahing: si Ilyasib.
Puun te me talagtameng te gumawan te timplu: si Salum, si Tilim, wey si Uri.
25 Seini man‑e ka listaan te duma ne me Israilita ne nenakaasawa te me lapu:
Si Ramiyas, si Isiyas, si Malkiyas, si Mihamin, si Iliyasar, si Hasabiyas, wey si Binayas ne egpuun te me kabuhalan ni Parus.
26 Si Mataniyas, si Sakariyas, si Hihil, si Abdi, si Hirimut, wey si Ilyas ne egpuun te me kabuhalan ni Ilam.
27 Si Iliyuwinay, si Iliyasib, si Mataniyas, si Hirimut, si Sabad, wey si Asisa ne egpuun te me kabuhalan ni Satu.
28 Si Hiruhanan, si Hananiyas, si Sabay, wey si Atlay ne egpuun te me kabuhalan ni Bibay.
29 Si Misulam, si Maluk, si Adayas, si Hasub, si Saal, wey si Hirimut ne egpuun te me kabuhalan ni Bani.
30 Si Adna, si Kilal, si Binayas, si Maasiyas, si Mataniyas, si Bisalil, si Binuy, wey si Manasis ne egpuun te me kabuhalan ni Pahatmuwab.
31-32 Si Ilisir, si Isiha, si Malkiyas, si Simaya, si Simyun, si Binhamin, si Maluk, wey si Simariyas ne egpuun te me kabuhalan ni Harim.
33 Si Matinay, si Matata, si Sabad, si Ilipilit, si Hirimay, si Manasis, wey si Simii ne egpuun te me kabuhalan ni Hasum.
34-37 Si Maaday, si Amram, si Uwil, si Binayas, si Bidiyas, si Siluhi, si Baniyas, si Mirimut, si Iliyasib, si Mataniyas, si Matinay, wey si Haasu ne egpuun te me kabuhalan ni Bani.
38-42 Si Simii, si Silimiyas, si Natan, si Adayas, si Maknadibay, si Sasay, si Saray, si Asaril, si Silimiyas, si Simariyas, si Salum, si Amariyas, wey si Husi ne egpuun te me kabuhalan enni Bani wey ni Binuy.
43 Si Hiil, si Matitiyas, si Sabad, si Sibina, si Haday, si Huwil, wey si Binayas ne egpuun te me kabuhalan ni Nibu.
44 Sikandan langun ka nenakaasawa te me lapu ne me malitan, wey ka duma kandan nenakaanak te sika ne me malitan.