4
1 Te sika ne aldew, due pitu ne malitan ne egpaag-ahawey te sabeka ne lukes ne egkahi, “Sikanami e ka egpamitew te egkakeen ney wey igsaluub ney, pangasawaa key re eyew kene key e eg-antus te pegkeyilew tenged te ware key nakaasawa.”
Ka pegpanalangin e man‑e te Manama te Hirusalim
2 Te sika ne aldew, egparerakelen wey egpamatelesen te Magbebaye ne Manama ka tagse pinamula wey kayu diye te tane. Ne egkengahale wey egpaambug ka langun ne etew ne nasame diye te Israil te pinamula ne eg-uma diye te tane.
3 Ne egngaranan te matulus ka langun ne nasame te Hirusalim ne iyan ka in-alam te Manama ne egkeuyag.
4 Ne eglu‑luan te Magbebaye ne Manama ka kalindit te me malitan diye te Hirusalim, wey eglinisan din ka mansa te langesa te migpatey pinaahi te peggukum iling te egkalegleg ne hapuy.
5 Ne egpahehapun ka Magbebaye ne Manama te timpu te maaldew ne egdalung diye te intiru ne Hirusalim wey te keet-etawan ne miglibulung diye. Te marusilem, egpeebel sikandin wey egpakanlabkanlab te hapuy. Ne ka katelesan din iyan egkeyimu ne tel-eb wey suub te intiru ne siyudad.
6 Egpekeiling seini te leeb ne helunganan ke meinit ka aldew, helesanan wey paandilunganan ke egpanalahapun, wey ke eg-uran.