25
Ka tabak ni Bildad
1 Ne migtabak si Bildad ne matig-Suwa,
2 “Maresen ka Manama,
wey eleg ne igkaaldek te langun;
inggimu rin ne malinawen ka migharian din diye te langit.
3 Duen naa egpakaseel te me sundalu te Manama?
Duen naa inged ne ware nateng-awi te kalayag din?
4 Duen naa etew ne matareng diye te tangkaan te Manama?
Duen naa neetew ne malinis?
5 Te pegtengteng din te bulan wey me bituen, kene pad ne mallayag diye te kandin.
6 Sikan naa degma, te pegtengteng din te me etew,
iling de sikandan te me iyas wey liwati ne kene ne impurtanti.”