100
Ka dakel ne geyinawa te Manama
Ka ulahingen te pegpasalamat.
1 Panguleyi kew ne egkahale-gale diye te Magbebaye ne Manama,
sikaniyu langun se intiru ne inged.
2 Gale-gale kew ka egpamakey te Manama.
Ul-ulahing kew te kahale ka egparani diye te tangkaan din.
3 Nengnengi niyu ne Manama ka Magbebaye.
Sikandin iya ka miggimu kanta wey sikandin ka kamuney kanta.
Keet-etawan ki nikandin wey intanggu iling te me karniru ne impalayud diye te panabtaban te tane din.
4 Seled kew te me gumawan te ugpaanan din ka egpasalamat kandin,
wey lasud kew te me lama ne egsaye kandin.
Pasalamat kew kandin wey sayaa niyu ka ngaran din.
5 Su meupiya ka Magbebaye.
Kene egkataman ka geyinawa rin ne kene egkabalbalawan,
wey egpabulus sikandin ne egkasalihan te langun ne me kabuhalan.