110
Ka Manama wey ka in-alam din ne Hari
Ka ulahingen ni Dabid.
1 Seini ka inlalag te Magbebaye te ahalen ku,
“Pinnuu ka kayi te igkakawanan ku,
taman te eggimuwen kud ka me kuntere nu ne me uripen nu.”
2 Egpaharien ka te Mabebaye puun te Hirusalim peendiye te duma ne me inged,
wey eghari ka te me kuntere nu.
3 Emun ke egpakiggira kad te me kuntere nu,
eg-uney-uney re due egbulig keykew ka keet-etawan nu.
Ka me kanakan wey me mengebay egbulig keykew,
iling te demmug te kaseleman.
4 Migpahunlibet ka Magbebaye ne kene din egbalbalawan ka insaad din,
ne egkeyimu ka ne talagpanubad te ware egtamanan iling te talagpanubad ne si Milkisidik.
5 Egpangabangan ka layun te Magbebaye ne Manama,
egguleen din ka me Hari te timpu ne igpapitew rin e ka kandin ne langet.
6 Eglegparan din ka me mahinged te me nasud,
egpekeempet de iya ka minatey te minsan hendei,
wey egguleen din ka me pangulu te intiru ne kalibutan.
7 Eg-inum sikandin diye te beuhan diye te deralanen,
purisu egpanalu iya sikandin.