123
Ka peg-ampu te egpeyid‑u-hid‑u
Ka ulahingen para te pegpatakereg diye te Hirusalim.
1 Magbebaye ne Manama, egleng‑ag a keykew,
due te langit ne migharian nu.
2 Ne iling te me suluhuanen ne me lukes ne egtetahad te ahalen dan ne lukes,
wey iling te suluhuanen ne malitan ne egtetahad te ahalen din ne malitan,
egtetahad key degma keykew, he Magbebaye ne Manama ney,
taman te igkeyid‑u key e nikeykew.
3 Ikeyid‑u key ubag nikeykew, he Magbebaye;
ikeyid‑u key ubag su inleig-leig key tamtamani.
4 Egderali-dian key en iya layun te me meyaman,
wey eg-ay-ayuwen key en iya layun te me hambuhen.