87
Ka me kein-inuwan ne nangimu te Manama
Ka ulahingen te me kabuhalan ni Kura.
1 Ne diye te matulus ne bubungan itahu te Manama ka siyudad din.
2 Inggeyinawaan te Magbebaye ka me inged te Hirusalim,
subla pad te langun ne ugpaan ni Hakub.
3 Hirusalim, egkahuhud ka me kein-inuwan ne me himu meyitenged keykew, he siyudad te Manama.
4 Emun ke iglista ku ka me nasud ne nekeila keddiey,
iglagkes ku ka Ihiptu wey ka Babilunya.
Iglagkes ku man‑e ka Pilistiya, ka Tiru, wey ka Itiyupiya.
Egkahi sikandan, “Eg-isipen ku ka me etew te sika ne me inged ne neetew iya diye te Siyun.”
5 Egkahuhud iya ka Siyun ne iney te langun ne me inged,
su iyan eglig‑en te seini ne inged ka Amana ne Maresen ne Manama.
6 Iglista te Magbebaye ka me ngaran te kandin ne me etew,
ne egpuun te nalein-lein ne punduk wey egkahi sikandin te in-isip din sikandan ne mahinged te Siyun.
7 Egkahi ka me talagsayew wey ka mangngulahing,
“Sikeykew ka egpuunan te keupianan ku.”