93
Ka Manama ne Hari
1 Hari ka, Magbebaye ne Manama!
Insaluub nu ka karesen,
wey intetabed nu ka kanekal.
Inteil nu ay-ayari ka kalibutan diye te natahuan kayi,
wey kenad iya seini egkaweil.
2 Malig‑en e ka trunu nu, Magbebaye, puun pad dengan,
wey duen kad e te ware pad migbunsud ka timpu.
3 Egpanguleyi e ka dahat, he Magbebaye,
egderalegdeg e ka lehes,
migderahubi e te marahing ka me bunlud.
4 Magbebaye ne diye te langit,
maresen ke pad te dahat ne egderahubi te marahing,
maresen ke pad du te me bunlud te dahat.
5 Amana egkasalihan ka me balaud nu, he Magbebaye,
wey matulus iya ka timplu nu te ware egtamanan.