1 Pammineg kew kayi me malitan te Samarya. Nekeiling kew te me baka te Basan ne impabayangan te egkakeen, wey inlupihan niyu ka ware egkengeyimu, wey inleig-leig niyu ka egkengaayu-ayu, wey imbanasalan niyu ka me asawa niyu ne eg-uyanan kew te egkeinum niyu! 2 Matulus iya ka Magbebaye ne Manama wey migsaad sikandin, “Egginguma iya ka timpu ne egbunuwiten kew te egpandakep, ne sikaniyu langun egpekeiling kew te nabunuwit ne isda. 3 Egmangganuyen kew diye te me lungag te nahuhus ne alad te siyudad ne matikang wey makepal ne batu, wey igmandegpak kew diye te Harmun.”* Ka Harmun kema ke ngaran te sabeka ne siyudad wey ke inged naa. Piru kahiyen te duma ne inged seini ne egdegpakan te tei wey ke lapek naa.

4 Ne migkahi ka Magbebaye ne Manama, “Sikaniyu se me Israilita, pangendiye kew te Bitil wey himu kew te sale diye. Pangendiye kew man‑e te Gilgal wey timuli niyu ka sale niyu diye. Uyan kew te igmanubad niyu tagse maselem wey uyan kew te igkasapulu tagse igkatatelu ne aldew. 5 Halad kew te paan ne due patulin eyew te pegpasalamat keddi, wey ipeggasal niyu ka indasag niyu, su sikan ma iya ka igkeup-upii niyu ne eggimuwen!

6 “Impabitilan ku† Te Hibruwanen: malinis ne ngipen. ka langun ne siyudad niyu wey egkabitil ka minsan hendei, piru ware kew red iya man‑e miglibed keddi. 7 Ware ku man‑e ipalugsu ka uran minsan ingkeilangan niyu perem para te me pinamula niyu.‡ Te Hibruwanen: te tatelu ne bulan te kene pad ka peggaani. Impeuranan ku ka duma ne siyudad piru ware mule diye te duma. Impeuranan ku ka duma ne kamet, piru migmammara mule ka duma. 8 Purisu nangendiye ka me mahinged te daruwa ne lungsud wey ke tatelu naa ne lungsud eyew egpamitew te weyig, piru kene ne eleg ka egkeinum dan. Minsan pad due, ware ded man‑e sikandan miglibed keddi.

9 “Impakalamahan ku te meinit wey imparereetan ku ka me pinamula niyu. Impangeen te me talangas ka me pinamula niyu, ka me parasan, ka me iggira, wey ka me ulibu niyu. Piru ware kew iya man‑e miglibed keddi.

10 “Impeuyanan ku sikaniyu te me dilus iling te inggimu ku diye te Ihiptu. Inggimatayan ku ka me kanakan niyu diye te gira§ Te Hibruwanen: pinaahi te kampilan. wey in-ahew ku ka me kudde niyu. Ne impasalerep ku sikaniyu te ngareg te nammatey diye te me kampu niyu.* Te Hibruwanen: impaseled ku diye te lungag te irung niyu ka ngareg te kampu niyu. Piru ware kew iya man‑e miglibed keddi.

11  ✡ Hin 19:24.“Indereetan ku ka duma kaniyu iling te pegdereet ku te Suduma wey Gumura. Egpekeiling te kayu ne nalegleg ne insalukagmit puun te hapuy ka nakapallahuy. Piru ware kew iya man‑e miglibed keddi.” Sika ka ingkahi te Magbebaye ne Manama. 12 “Sikan naa, eggimuwen ku iya sika kaniyu, me Israilita. Ne puun su eggimuwen ku iya sika, pangandam kew te pegtemu te Manama niyu.”