1 Ne migkahiyan te Magbebaye ne Manama si Muwisis, 2 “Kahii nu ka me kabuhalan ni Israil te egpaliberen diye te marani te Pi-hahirut ne neelat te Migdul wey te dahat. Ne pakampuwa nu naa sikandan diye te ilis te dahat ne egkatalipag te Baal-Sipun. 3 Su migsuman-suman ka Paraun ne Hari te Ihiptu ne nalaag kew e wey kene kew e egpakaawe diye te disirtu. 4 Na, egpakehalen ku ka ulu* Te Hibruwanen: pusung. te Paraun wey egtalukunan kew nikandan. Ne egdereetan ku sikandin wey ka me sundalu rin, wey sika ka egpuunan ne egmabantug a wey egkanengnengan te me Ihiptuhanen ne sikeddiey ka Magbebaye ne Manama.” Ne intuman seeye te me kabuhalan ni Israil.

5 Te nahuhuran e ka Paraun ne mig-awe e ka me kabuhalan ni Israil, nabalbalawan e ka suman-suman din wey te me upisyal din meyitenged te peg-awe dan. Migkahi sikandan, “Mania te neyimu ta seini? Mania te inlekaan ta ka me Hibruwanen ne me uripen ta?” 6 Ne in-andam te Paraun ka karwahi rin wey migduruma sikandin te me sundalu rin. 7 Ne in-uyan din ka 600 ne karwahi ne amana ne memeupiya, wey ka duma pad ne me karwahi ne impangunturan te me upisyal. 8 Impakehal te Magbebaye ne Manama ka ulu† Te Hibruwanen: pusung. te Paraun wey intalukunan din ka me kabuhalan ni Israil taheed te nangipanew sikandan ne maahet-ahet.‡ Te Hibruwanen: miglihawang ne ingkayew se belad. 9 Inlupug sikandan te Paraun duma te me sundalu, te nanguntud te me kudde te Paraun, wey te nanguntud te me karwahi. Ne diye sikandan nasapeni te ingkekampuwan dan ne diye te ilis te dahat ne marani te Pi-hahirut ne talipag te Baal-Sipun.

10 Te egpakarani-rani e ka Paraun wey ka me sundalu rin, nakita sikandan te me kabuhalan ni Israil. Ne dutu, amana sikandan naaldek wey migpangananey sikandan te Magbebaye ne Manama. 11 Ne migkahiyan dan si Muwisis, “Mania te in-angey key pad iya nikeykew diye te Ihiptu ke egpamatey key red kayi te disirtu? Ware bes lebenganan diye te Ihiptu? 12 Ingkahiyan ney e sikeykew te diye ki pad te Ihiptu te balahara key e ka eg-uripenen te me Ihiptuhanen. Su meupiya pad ne egpeuripen key du te egpamatey key kayi te disirtu!”

13 Migkahiyan ni Muwisis ka me etew, “Kene kew kaaldek! Pakannekal kew! Egkakita niyu ke egmenuwen kew te Magbebaye ne Manama te egluwas te seini ne aldew. Kunteen niyu naan de iya egkakita sika se me Ihiptuhanen. Kene niyud sikandan egkakita keureme. 14 Peeneng-eneng kew re su ka Manama ka egpangabang kanta ne egpakig-ehet kandan.” 15 Ne migkahiyan te Manama si Muwisis, “Mania te migpangananey ka keddi? Kahii nu ka me etew te egpabulus sikandan eggipanew. 16 Kayawa nu ka tuked nu ne igpalenged te dahat eyew egkabaad ka weyig wey egpakalapas ka me etew te tane diye te elat te dahat. 17 Egpakehalen ku ka me ulu te me Ihiptuhanen eyew egtalukunan kew nikandan. Ne puun due, egmabantug a su egdereetan ku ka Paraun wey ka me sundalu rin, wey ka nanguntud te me karwahi, wey ka migmangudde. 18 Ke egkatalu kud e sikandan, egkatahaan te me Ihiptuhanen ne sikeddiey ka Magbebaye ne Manama.”

19 Ne ka panalihan te Magbebaye ne Manama ne miggun‑a te me kabuhalan ni Israil, migpamewuriyan e kandan, wey ka gapun ne egpekeiling te sungkaleg, miggalin degma diye te mewuri ran. 20 Ne migsanggel ka malibusen ne gapun diye te elat-elat dan wey te me Ihiptuhanen. Te intiru ne marusilem, miglayahan sikandan te gapun piru delem mule diye te me Ihiptuhanen. Ne napawe de due ne ware nakarani ka me Ihiptuhanen kandan. 21 Ne ingkayew ni Muwisis ka belad din diye te ampew te dahat wey nabaad e seini su impakalamahan te Magbebaye ne Manama te nenekali puun te igsile. Napawaan ka kalamag wey migmammara ka elat te dahat. 22  ✡ 1Kur 10:1-2; Hib 11:29.Ne miglapas e ka me kabuhalan ni Israil ne diye migbaye te elat te dahat ne mammara. Ne ka weyig, nekeiling e te nekeglimang ne dalama.§ Te Hibruwanen: alad ne makepal. 23 Ne intalukunan sikandan te me Ihiptuhanen wey te langun ne nanguntud te me kudde te Paraun, wey te nanguntud te me karwahi, wey te migmangudde. Mig-ikul degma sikandan te imbayaan dan diye te elat te dahat. 24 Te egkasi-si e ka kaliwaswasan, impantew te Magbebaye ne Manama puun te hapuy wey te gapun ne egpekeiling te sungkaleg ka me sundalu ne me Ihiptuhanen wey ingginaaldek din sikandan. 25 Impakehal rin ka pegtileng te liggid te me karwahi ran eyew egkeyirapan sikandan ka egpepallahuy. Ne migkahi ka me Ihiptuhanen, “Egpalilibed kid su impangabangan sikandan te Magbebaye ne Manama ne egpakig-ehet kanta.”

26 Migkahiyan te Magbebaye ne Manama si Muwisis, “Kayawa nu ka belad nu diye te ampew te dahat eyew egpekeglibed ded ka weyig ne nabaad, wey egkallened ka me Ihiptuhanen ne nanguntud te me karwahi wey ka migmangudde.” 27 Ne ingkayew ni Muwisis ka belad din diye te ampew te dahat, wey te napawe e, nekeglibed e ka weyig ne nabaad. Mig-eleg-eleg migpallahuy ka me Ihiptuhanen piru nasi sikandan ipaabeleng te Manama te weyig. 28 Nalened ka langun ne Ihiptuhanen ne miglupug kandan minsan ka nanguntud te me karwahi wey ka migmangudde. Ne warad iya nasame minsan sabeka kandan. 29 Piru ka me kabuhalan ni Israil mule nakabaye te elat te dahat wey mammara ka tane, wey nekeiling e ka weyig te nekeglimang ne dalama.

30 Te seeye ne aldew, inluwas te Magbebaye ne Manama ka me kabuhalan ni Israil puun te me Ihiptuhanen wey nakita ran ka me minatey diye te ilis te dahat. 31 Nakita ran ka dakel ne geem te Manama su intalu rin ka me Ihiptuhanen. Ne puun due, duen e pegkaaldek dan te Manama, wey migpalintutuu wey migsalig e sikandan kandin wey te suluhuanen din ne si Muwisis.