1 Ne impanengneng ad man‑e te Magbebaye ne Manama, 2 “Etew, mamenu keupiya ka kayu te paras, du te minsan nekey ne kayu diye te puwalas? 3 Duen naa egkeyimu ne minsan nekey puun te sugpang te paras? Egkeyimu naa sika ne sanggatanan te minsan nekey? 4 Meupiya re sika ke igtemeg. Piru ke egkeigmuk e, warad e karuan. 5 Purisu, ke ware ma karuan te sugpang te paras te ware pad natutung, labew e ne ware karuan due ke egkatutung e wey ke egkeigmuk e.”

6 “Purisu egkahi a se Magbebaye: Egpekeiling ka me matig-Hirusalim te paras ne migtubu diye te taliware te puwalas. Ne tenged te nekeg-iling ma sikandan ne me ware karuan, egpanilaban ku iya sikandan. 7 Eglegparan ku iya sikandan. Ne minsan egpakapallahuy sikandan, egkatutung ded iya sikandan te lein ne hapuy. Ne egpakanengneng e sikandan ne sikeddi ka Magbebaye. 8 Ne eggimuwen ku ka tane dan ne mammara ne inged ne ware mig-ugpe su ware ma sikandan migmatinumanen keddi. Sikeddi se Magbebaye ka miglalag kayi.”