53
1 ✡ Rum 10:16; Huw 12:38.Hentew‑a ka egpalintutuu te eglalahen ney?
Hentew‑a ka eg-iman-iman ne igpapitew te Magbebaye ne Manama ka geem din te seini ne paahi?
2 Igkeupii te Magbebaye ne Manama
ne egpekeiling ka suluhuanen din te malebud ne pinamula ne iyam pad migtubu,
wey egpekeiling te dalid diye te mammara ne tane.
Warad iya kateles din ne egpekeinniyat kanta te egdani-rani kandin.
3 Inlemetan sikandin wey insamsamilian te me etew.
Nakaneem-neem sikandin te peglungku wey peg-antus.
In-engkeran ta sikandin, inlemetan, wey in-isip ne ware karuan.
4 ✡ Mat 8:17.Piru sikandin ka nakababa te me masakit wey me peg-antus ne eleg perem kanta.
Ne migsuman-suman ki ne ka peg-antus din,
pegdusa te Manama kandin tenged te sale din mismu.
5 ✡ 1Pid 2:24.Napalpalian sikandin,
wey nahumian tenged te me sale ta.
Ka peggumi kandin iyan nakabehey kanta te meupiya ne peg-ugpe
wey neneulian ki pinaahi te me pali din.
6 ✡ 1Pid 2:25.Ne nekeiling ki langun te me karniru ne nallaag
wey iyan ta in-ikul ka dalan ne igkeupii ta.
Piru sikandin ka impaantus te Magbebaye ne Manama te dusa
ne para perem kanta langun.
piru migpeeneng-eneng de iya sikandin.
Ware lalahan din iling te karniru ne eg-uyanen diye te gilanganan.
Egpeeneng-eneng de sikandin iling te karniru ne eg-alutan.
8 Inggukuman sikandin te kene ne eleg, wey inggimatayan.
Ne warad iya etew te seeye ne timpu ne nasasew te impangkusan din.
Inggimatayan sikandin tenged te me sale te keet-etawan din.
9 ✡ 1Pid 2:22.Minsan ware sikandin miggimu te mareet wey ware mig-uubat,
insabal sikandin iling te mareet ne etew
wey meyaman ka kamuney te insabalan kandin.
10 Piru igkeupii te Magbebaye seeye se peggumi kandin wey pegpasakit.
Su ke eggimuwen te Magbebaye ne Manama ka umul rin ne igpanubad
eyew egkabayaran ka me sale te me etew,
egkakita rin ded iya man e ka kabuhalan din
wey egpakaangken sikandin te malayat ne umul.
Ne pinaahi kandin egkatuman ka igkeupii te Magbebaye ne Manama.
11 Ke egkeimpusan e ka peg-antus din,
egkahale e man‑e sikandin,
wey egkanengnengan din ne dakel ka egkeyimu te peg-antus din.
Matareng sikandin ne suluhuanen ku
wey sikandin ka eg-antus te dusa te masulug ne keet-etawan eyew egkeyimu sikandan ne matareng.
12 ✡ Luk 22:37.Purisu, igbehey ku kandin ka pegbantug ne para te etew
ne mabantug wey maresen.
Seini ka unag din te pegpeyimatey rin iling te mareet ne etew.
Mig-antus sikandin para te masulug ne makasesale,
wey mig-ampu sikandin ne egpasayluwen te Manama.