67
Ka ulahingen te pegpasalamat
Ka ulahingen te pegdayan para te pangulu te mangngulahing ne egbalesen te intagpesan ne me instrumintu.
1 He Manama, ikeyid‑u key ubag nikeykew wey panalangini key.
Ipapitew nu ka keupiya nu kanami,* Te Hibruwanen: ipalayag nu ka ulaula nu kanami.
2 eyew egkanengnengan te langun ne me etew te kalibutan ka igkeupii nu,
wey egkanengnengan dan degma ka kaluwasan ne egpuun keykew.
3 Egsayeen ka perem te langun ne keet-etawan.
Egdayanen ka perem nikandan Manama.
4 Egkahale perem wey eg-ulahing te kahalaan ka mahinged te me nasud,
su eleg ka peggukum nu kandan, wey indumaan nu sikandan wey impanulu.
5 Egsayeen ka perem te langun ne keet-etawan.
Egdayanen ka perem nikandan Manama.
6 Dakel perem ka eg-uma te tane.
Egpanalanginan key nikeykew Manama ney.
7 Egpanalanginan key te Manama,
eyew egtahuren sikandin te langun ne mig-ugpe te kalibutan.