113
Ware egpekeiling te Magbebaye ne Manama ta
1 Dayana niyu ka Magbebaye ne Manama!
Sikaniyu se me suluhuanen te Magbebaye,
dayana niyu ka ngaran din.
2 Egkarayan ka ngaran te Magbebaye,
puun kuntee taman keureme.
3 Egdayanen ka ngaran te Magbebaye,
puun te igsile taman te iglineb.
4 Egbantuhen ka Magbebaye te langun ne me nasud;
egtimpa te langit ka katelesan din.
5 Hentew ka egpekeiling te Magbebaye ne Manama ta,
ne migpinpinnuu diye te ampew te langit?
6 Migpantew pad man‑e sikandin,
ka egpitew te aw-awangan wey te tane.
7 Inggeun din ka egkaayu-ayu puun te basaken;
inggenat din ka ware egkeyimu puun te lapeken.
8 Ne imparangdang din sikandan ipapinnuu te me Hari,
ne me pangulu te keet-etawan din.
9 Impatahikul din te iglukes ka malitan ne kene eg-anak,
inggimu rin sikandan ne mahalew-galew ne me iney.
Dayanen ka Magbebaye ne Manama!