131
Ka mapahetpet ne peg-ampu
Ka ulahingen ni Dabid te pegpatakereg diye Hirusalim.
1 He Magbebaye ne Manama, kena a ne hambuhen,
wey wara a migpegpeggasal.
Wara a mig-awes te me meupiya,
wey minsan nekey ne amana ne mateles keddiey.
2 Piru migpeeneng-eneng e re wey migpalene-lene te geyinawa,
iling te bate ne inlutas wey insalulu te iney;
iling te bate ne inlutas ne kenad egbuyu egsusu.
3 He Israil, pallateng kew te Magbebaye ne Manama,
bunsud kuntee taman te ware egtamanan!