Salmu.
24.
Ka ulahingen ni Dabid. Iyan kamuney ka Magbebaye te kalibutan wey te langun ne tahu kayi, wey kandin te Manama ka langun ne mig-ugpe kayi. 
Impabunsud din ka inged diye te dahat, wey impes-ek din seini diye te me weyig. 
Hentew‑a ka egpakatakereg te bubungan te Magbebaye? Hentew‑a ka egpakalasud te matulus ne baley te Manama? 
Seeye iya se kene ne mareet se eggimuwen wey malinis se pusung, wey kene egsimba te diyus-diyus wey kene eg-uubat. 
Egpanalanginan sikandan te Magbebaye, wey eg-isipen sikandan ne matareng te Manama ne migluwas kandan. 
Sikandan ka me etew ne egpamitew te Manama, wey egparani te tangkaan te Manama ni Hakub. 
Kalukati kew me gumawan te timplu, wey kabekad kew tapey ne me lekeb, eyew egpakalasud ka maresen ne Hari. 
Hentew‑a seini se mabantug ne Hari? Sikandin ka Magbebaye ne maresen wey manekal. Sikandin ka bahani ne egpakig-ehet te me kuntere din. 
Kalukati kew me gumawan te timplu, wey kabekad kew tapey ne me lekeb, eyew egpakalasud ka maresen ne Hari. 
Hentew‑a seini se maresen ne Hari? Sikandin ka Amana ne Maresen ne Magbebaye te langun. Sikandin ka maresen ne Hari.