Salmu.
131.
Ka ulahingen ni Dabid te pegpatakereg diye Hirusalim. He Magbebaye ne Manama, kena a ne hambuhen, wey wara a migpegpeggasal. Wara a mig-awes te me meupiya, wey minsan nekey ne amana ne mateles keddiey. 
Piru migpeeneng-eneng e re wey migpalene-lene te geyinawa, iling te bate ne inlutas wey insalulu te iney; iling te bate ne inlutas ne kenad egbuyu egsusu. 
He Israil, pallateng kew te Magbebaye ne Manama, bunsud kuntee taman te ware egtamanan!