\q1
\v=2
\v~=Priusquam montes fierent, aut formaretur terra et orbis, a sæculo et usque in sæculum tu es, Deus.\f + \fr 89.2  \fk Priusquam montes. \ft  Ne autem videretur non fuisse, antequam esset nobis refugium; adjungit \fk priusquam. Montes, terra. \ft  AUG. Ecce omnis rationalis creatura hac differentia distincta est, \fk ut montium\ft  nomine celsitudo angelorum; et \fk terræ\ft  nomine humilitas hominum: ideoque non incongrue verba sic distinxit, ut diceret \fk montes, \ft  id est angelos, \fk fieri, \ft  et \fk terram, \ft  id est homines, \fk formari. Fierent aut formaretur. \ft  Formari, vel fingi, solet dici secundum corpora: fieri de nihilo. \fk A sæculo. \ft  Aptius diceret, etc., usque ad hic autem ponitur \fk sæculum\ft  pro æterno. \fk A sæculo. \ft  Ecce quæ æternitas nobis refugium, etc., \fk usque ad Ne avertas, quoniam mille anni. Tu es. \ft  Optime ait, quia immutabilis. Non dicit eris, vel fuisti, cum immutabilis essentia Dei non noverit præteritum, vel futurum; unde dictum est: \fk Ego sum qui sum. \ft  Et, \fk Qui est misit me ad vos? \ft  Et: \fk Tu autem idem ipse es, et anni tui non deficient. \f* 
\¬v
\¬q1