\q1
\c#=90
\v=1
\v~=Laus cantici David. [Qui habitat in adjutorio Altissimi, in protectione Dei cæli commorabitur.\f + \fr 90.1  \fk Laus cantici. \ft  Laus, et humana est: sed hæc est cantici, quia non nisi divina. Est enim psalmus iste hymnus contra dæmones. Propheta ergo de quolibet sancto ait: \fk Qui habitat in adjutorio, \ft  etc. CASS. Ostendit tentationes diaboli per humilitatem victas a Christo, et a suis, manentibus in auxilio Dei, ut et nos per eum discamus tentationes superare, quia est janua per quam, si quis introierit, ingredietur, et egredietur, et pascua eveniet. AUG. Janua Christus; intrare per eum, est imitari eum, non in divinitate, et potentia, et miraculis, sed in eo quo factus est pro nobis, id est, humilitate ad quam vocat, dicens: \fk Discite a me quia mitis sum et humilis corde. \ft  De hoc psalmo tentavit Christum diabolus. Christi autem tentatio nostra est doctrina, quem sequentes ex eo vincimus. \fk Qui habitat. \ft  CASS. Describit primo fidentem in solo Deo, omnino protectione Dei vallatum. \fk Qui habitat, \ft  id est, qui totam spem non in se, sed in Deo semper constituit, omnibus modis protegetur a Deo. Nota verborum correspondentiam: sicut enim semper \fk habitat, \ft  sic et semper \fk commorabitur. \ft  Illud affirmat, scilicet quod \fk habitat; \ft  hoc promittit, scilicet quod \fk protegetur. \fk In protectione Dei cœli commorabitur. \ft  Ut scilicet non declinet ad dexteram vel ad sinistram, sicut in Veteri Testamento præceptum erat filiis Isræl, ut incederent via regia, non declinantes ad dexteram vel ad sinistram. Via regia, via Christi regis nostri, qui sic viam mundi cucurrit, ut nec prosperis illiceretur, nec adversis frangeretur.\f* 
\¬v
\¬q1