Deu 10

1 בָּ/עֵ֨ת הַ/הִ֜וא אָמַ֧ר יְהוָ֣ה אֵלַ֗/י פְּסָל־לְ/ךָ֞ שְׁנֵֽי־לֻוחֹ֤ת Q n p v אֲבָנִים֙ כָּ/רִ֣אשֹׁנִ֔ים וַ/עֲלֵ֥ה אֵלַ֖/י הָ/הָ֑רָ/ה וְ/עָשִׂ֥יתָ לְּ/ךָ֖ אֲר֥וֹן עֵֽץ׃ 2 וְ/אֶכְתֹּב֙ עַל־הַ/לֻּחֹ֔ת אֶת־הַ/דְּבָרִ֔ים אֲשֶׁ֥ר הָי֛וּ עַל־הַ/לֻּחֹ֥ת הָ/רִאשֹׁנִ֖ים אֲשֶׁ֣ר שִׁבַּ֑רְתָּ וְ/שַׂמְתָּ֖/ם בָּ/אָרֽוֹן׃ 3 וָ/אַ֤עַשׂ אֲרוֹן֙ עֲצֵ֣י שִׁטִּ֔ים וָ/אֶפְסֹ֛ל שְׁנֵי־לֻחֹ֥ת אֲבָנִ֖ים כָּ/רִאשֹׁנִ֑ים וָ/אַ֣עַל הָ/הָ֔רָ/ה וּ/שְׁנֵ֥י הַ/לֻּחֹ֖ת בְּ/יָדִֽ/י׃ 4 וַ/יִּכְתֹּ֨ב עַֽל־הַ/לֻּחֹ֜ת כַּ/מִּכְתָּ֣ב הָ/רִאשׁ֗וֹן אֵ֚ת עֲשֶׂ֣רֶת הַ/דְּבָרִ֔ים אֲשֶׁ֣ר דִּבֶּר֩ יְהוָ֨ה אֲלֵי/כֶ֥ם בָּ/הָ֛ר מִ/תּ֥וֹךְ הָ/אֵ֖שׁ בְּ/י֣וֹם הַ/קָּהָ֑ל וַ/יִּתְּנֵ֥/ם יְהוָ֖ה אֵלָֽ/י׃ 5 וָ/אֵ֗פֶן וָֽ/אֵרֵד֙ מִן־הָ/הָ֔ר וָֽ/אָשִׂם֙ אֶת־הַ/לֻּחֹ֔ת בָּ/אָר֖וֹן אֲשֶׁ֣ר עָשִׂ֑יתִי וַ/יִּ֣הְיוּ שָׁ֔ם כַּ/אֲשֶׁ֥ר צִוַּ֖/נִי יְהוָֽה׃ 6 וּ/בְנֵ֣י יִשְׂרָאֵ֗ל נָֽסְע֛וּ מִ/בְּאֵרֹ֥ת בְּנֵי־יַעֲקָ֖ן מוֹסֵרָ֑ה שָׁ֣ם מֵ֤ת אַהֲרֹן֙ וַ/יִּקָּבֵ֣ר שָׁ֔ם וַ/יְכַהֵ֛ן אֶלְעָזָ֥ר בְּנ֖/וֹ תַּחְתָּֽי/ו׃ 7 מִ/שָּׁ֥ם נָסְע֖וּ הַ/גֻּדְגֹּ֑דָ/ה וּ/מִן־הַ/גֻּדְגֹּ֣דָ/ה יָטְבָ֔תָה אֶ֖רֶץ נַ֥חֲלֵי C c n מָֽיִם׃ 8 בָּ/עֵ֣ת הַ/הִ֗וא הִבְדִּ֤יל יְהוָה֙ אֶת־שֵׁ֣בֶט הַ/לֵּוִ֔י לָ/שֵׂ֖את אֶת־אֲר֣וֹן בְּרִית־יְהוָ֑ה לַ/עֲמֹד֩ לִ/פְנֵ֨י יְהוָ֤ה לְ/שָֽׁרְת/וֹ֙ וּ/לְ/בָרֵ֣ךְ בִּ/שְׁמ֔/וֹ עַ֖ד הַ/יּ֥וֹם הַ/זֶּֽה׃ 9 עַל־כֵּ֞ן לֹֽא־הָיָ֧ה לְ/לֵוִ֛י חֵ֥לֶק וְ/נַחֲלָ֖ה עִם־אֶחָ֑י/ו יְהוָה֙ ה֣וּא נַחֲלָת֔/וֹ כַּ/אֲשֶׁ֥ר דִּבֶּ֛ר יְהוָ֥ה אֱלֹהֶ֖י/ךָ לֽ/וֹ׃ 10 וְ/אָנֹכִ֞י עָמַ֣דְתִּי בָ/הָ֗ר כַּ/יָּמִים֙ הָ/רִ֣אשֹׁנִ֔ים אַרְבָּעִ֣ים י֔וֹם וְ/אַרְבָּעִ֖ים לָ֑יְלָה וַ/יִּשְׁמַ֨ע יְהוָ֜ה אֵלַ֗/י גַּ֚ם בַּ/פַּ֣עַם הַ/הִ֔וא לֹא־אָבָ֥ה יְהוָ֖ה הַשְׁחִיתֶֽ/ךָ׃ 11 וַ/יֹּ֤אמֶר יְהוָה֙ אֵלַ֔/י ק֛וּם לֵ֥ךְ לְ/מַסַּ֖ע לִ/פְנֵ֣י הָ/עָ֑ם וְ/יָבֹ֨אוּ֙ וְ/יִֽרְשׁ֣וּ אֶת־הָ/אָ֔רֶץ אֲשֶׁר־נִשְׁבַּ֥עְתִּי לַ/אֲבֹתָ֖/ם לָ/תֵ֥ת לָ/הֶֽם׃ פ 12 וְ/עַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔י/ךָ שֹׁאֵ֖ל מֵ/עִמָּ֑/ךְ כִּ֣י אִם־לְ֠/יִרְאָה אֶת־יְהוָ֨ה אֱלֹהֶ֜י/ךָ לָ/לֶ֤כֶת בְּ/כָל־דְּרָכָי/ו֙ וּ/לְ/אַהֲבָ֣ה אֹת֔/וֹ וְ/לַֽ/עֲבֹד֙ אֶת־יְהוָ֣ה אֱלֹהֶ֔י/ךָ בְּ/כָל־לְבָבְ/ךָ֖ וּ/בְ/כָל־נַפְשֶֽׁ/ךָ׃ 13 לִ/שְׁמֹ֞ר אֶת־מִצְוֺ֤ת יְהוָה֙ וְ/אֶת־חֻקֹּתָ֔י/ו אֲשֶׁ֛ר אָנֹכִ֥י מְצַוְּ/ךָ֖ הַ/יּ֑וֹם לְ/ט֖וֹב לָֽ/ךְ׃ 14 הֵ֚ן לַ/יהוָ֣ה אֱלֹהֶ֔י/ךָ הַ/שָּׁמַ֖יִם וּ/שְׁמֵ֣י הַ/שָּׁמָ֑יִם הָ/אָ֖רֶץ וְ/כָל־אֲשֶׁר־בָּֽ/הּ׃ 15 רַ֧ק בַּ/אֲבֹתֶ֛י/ךָ חָשַׁ֥ק יְהוָ֖ה לְ/אַהֲבָ֣ה אוֹתָ֑/ם וַ/יִּבְחַ֞ר בְּ/זַרְעָ֣/ם אַחֲרֵי/הֶ֗ם בָּ/כֶ֛ם מִ/כָּל־הָ/עַמִּ֖ים כַּ/יּ֥וֹם הַ/זֶּה׃ U 16 וּ/מַלְתֶּ֕ם אֵ֖ת עָרְלַ֣ת לְבַבְ/כֶ֑ם וְ/עָ֨רְפְּ/כֶ֔ם לֹ֥א תַקְשׁ֖וּ עֽוֹד׃ 17 כִּ֚י יְהוָ֣ה אֱלֹֽהֵי/כֶ֔ם ה֚וּא אֱלֹהֵ֣י הָֽ/אֱלֹהִ֔ים וַ/אֲדֹנֵ֖י הָ/אֲדֹנִ֑ים הָ/אֵ֨ל הַ/גָּדֹ֤ל הַ/גִּבֹּר֙ וְ/הַ/נּוֹרָ֔א אֲשֶׁר֙ לֹא־יִשָּׂ֣א פָנִ֔ים וְ/לֹ֥א יִקַּ֖ח שֹֽׁחַד׃ 18 עֹשֶׂ֛ה מִשְׁפַּ֥ט יָת֖וֹם וְ/אַלְמָנָ֑ה וְ/אֹהֵ֣ב גֵּ֔ר לָ֥/תֶת ל֖/וֹ לֶ֥חֶם וְ/שִׂמְלָֽה׃ 19 וַ/אֲהַבְתֶּ֖ם אֶת־הַ/גֵּ֑ר כִּֽי־גֵרִ֥ים הֱיִיתֶ֖ם בְּ/אֶ֥רֶץ מִצְרָֽיִם׃ 20 אֶת־יְהוָ֧ה אֱלֹהֶ֛י/ךָ תִּירָ֖א אֹת֣/וֹ תַעֲבֹ֑ד וּ/ב֣/וֹ תִדְבָּ֔ק וּ/בִ/שְׁמ֖/וֹ תִּשָּׁבֵֽעַ׃ 21 ה֥וּא תְהִלָּתְ/ךָ֖ וְ/ה֣וּא אֱלֹהֶ֑י/ךָ אֲשֶׁר־עָשָׂ֣ה אִתְּ/ךָ֗ אֶת־הַ/גְּדֹלֹ֤ת וְ/אֶת־הַ/נּֽוֹרָאֹת֙ הָ/אֵ֔לֶּה אֲשֶׁ֥ר רָא֖וּ עֵינֶֽי/ךָ׃ 22 בְּ/שִׁבְעִ֣ים נֶ֔פֶשׁ יָרְד֥וּ אֲבֹתֶ֖י/ךָ מִצְרָ֑יְמָ/הּ Q n p וְ/עַתָּ֗ה שָֽׂמְ/ךָ֙ יְהוָ֣ה אֱלֹהֶ֔י/ךָ כְּ/כוֹכְבֵ֥י הַ/שָּׁמַ֖יִם לָ/רֹֽב׃

Q 10:1 Marks a place where we agree with BHQ against BHS in reading L. n 10:1 Marks an anomalous form. p 10:1 We read punctuation in L differently from BHS. v 10:1 We read one or more vowels in L differently from BHS. C 10:7 We read one or more accents in L differently from BHQ. c 10:7 We read one or more accents in L differently than BHS. Often this notation indicates a typographical error in BHS. n 10:7 Marks an anomalous form. U 10:15 We agree with both BHS 1997 and BHQ on an unexpected reading. Q 10:22 Marks a place where we agree with BHQ against BHS in reading L. n 10:22 Marks an anomalous form. p 10:22 We read punctuation in L differently from BHS.