Job 31

1 בְּ֭רִית כָּרַ֣תִּי לְ/עֵינָ֑/י וּ/מָ֥ה אֶ֝תְבּוֹנֵ֗ן עַל־בְּתוּלָֽה׃ 2 וּ/מֶ֤ה ׀ חֵ֣לֶק אֱל֣וֹהַּ מִ/מָּ֑עַל וְֽ/נַחֲלַ֥ת שַׁ֝דַּ֗י מִ/מְּרֹמִֽים׃ 3 הֲ/לֹא־אֵ֥יד לְ/עַוָּ֑ל וְ֝/נֵ֗כֶר לְ/פֹ֣עֲלֵי אָֽוֶן׃ 4 הֲ/לֹא־ה֭וּא c יִרְאֶ֣ה דְרָכָ֑/י וְֽ/כָל־צְעָדַ֥/י יִסְפּֽוֹר׃ 5 אִם־הָלַ֥כְתִּי עִם־שָׁ֑וְא וַ/תַּ֖חַשׁ עַל־מִרְמָ֣ה רַגְלִֽ/י׃ 6 יִשְׁקְלֵ֥/נִי בְ/מֹאזְנֵי־צֶ֑דֶק וְ/יֵדַ֥ע אֱ֝ל֗וֹהַּ תֻּמָּתִֽ/י׃ 7 אִ֥ם תִּטֶּ֣ה אַשֻּׁרִ/י֮ מִנִּ֪י הַ֫/דָּ֥רֶךְ וְ/אַחַ֣ר עֵ֭ינַ/י הָלַ֣ךְ לִבִּ֑/י וּ֝/בְ/כַפַּ֗/י דָּ֣בַק מֻאֽוּם׃ 1 פ 8 אֶ֭זְרְעָה וְ/אַחֵ֣ר יֹאכֵ֑ל וְֽ/צֶאֱצָאַ֥/י יְשֹׁרָֽשׁוּ׃ 9 אִם־נִפְתָּ֣ה לִ֭בִּ/י עַל־אִשָּׁ֑ה וְ/עַל־פֶּ֖תַח רֵעִ֣/י אָרָֽבְתִּי׃ 10 תִּטְחַ֣ן לְ/אַחֵ֣ר אִשְׁתִּ֑/י וְ֝/עָלֶ֗י/הָ יִכְרְע֥וּ/ן אֲחֵרִֽין׃ 11 כִּי־הוא* זִמָּ֑ה ו/היא† עָוֺ֥ן פְּלִילִֽים׃ 12 כִּ֤י אֵ֣שׁ הִ֭יא עַד־אֲבַדּ֣וֹן תֹּאכֵ֑ל וּֽ/בְ/כָל־תְּב֖וּאָתִ֣/י תְשָׁרֵֽשׁ׃ 13 אִם־אֶמְאַ֗ס מִשְׁפַּ֣ט עַ֭בְדִּ/י וַ/אֲמָתִ֑/י בְּ֝/רִבָ֗/ם עִמָּדִֽ/י׃ 14 וּ/מָ֣ה אֶֽ֭עֱשֶׂה כִּֽי־יָק֣וּם אֵ֑ל וְ/כִֽי־יִ֝פְקֹ֗ד מָ֣ה אֲשִׁיבֶֽ/נּוּ׃ 15 הֲֽ֝/לֹא־בַ֭/בֶּטֶן עֹשֵׂ֣/נִי עָשָׂ֑/הוּ וַ֝/יְכֻנֶ֗/נּוּ בָּ/רֶ֥חֶם אֶחָֽד׃ 16 אִם־אֶ֭מְנַע מֵ/חֵ֣פֶץ דַּלִּ֑ים וְ/עֵינֵ֖י אַלְמָנָ֣ה אֲכַלֶּֽה׃ 17 וְ/אֹכַ֣ל פִּתִּ֣/י לְ/בַדִּ֑/י וְ/לֹא־אָכַ֖ל יָת֣וֹם מִמֶּֽ/נָּה׃ 18 כִּ֣י מִ֭/נְּעוּרַ/י גְּדֵלַ֣/נִי כְ/אָ֑ב וּ/מִ/בֶּ֖טֶן אִמִּ֣/י אַנְחֶֽ/נָּה׃ 19 אִם־אֶרְאֶ֣ה א֭וֹבֵד c מִ/בְּלִ֣י לְב֑וּשׁ וְ/אֵ֥ין כְּ֝ס֗וּת לָ/אֶבְיֽוֹן׃ 20 אִם־לֹ֣א בֵרֲכ֣וּ/נִי חלצ/ו‡ וּ/מִ/גֵּ֥ז כְּ֝בָשַׂ/י יִתְחַמָּֽם׃ 21 אִם־הֲנִיפ֣וֹתִי עַל־יָת֣וֹם יָדִ֑/י כִּֽי־אֶרְאֶ֥ה בַ֝/שַּׁ֗עַר עֶזְרָתִֽ/י׃ 22 כְּ֭תֵפִ/י מִ/שִּׁכְמָ֣/ה תִפּ֑וֹל וְ֝/אֶזְרֹעִ֗/י מִ/קָּנָ֥/ה תִשָּׁבֵֽר׃ 23 כִּ֤י פַ֣חַד אֵ֭לַ/י אֵ֣יד אֵ֑ל וּ֝/מִ/שְּׂאֵת֗/וֹ לֹ֣א אוּכָֽל׃ 24 אִם־שַׂ֣מְתִּי זָהָ֣ב כִּסְלִ֑/י וְ֝/לַ/כֶּ֗תֶם אָמַ֥רְתִּי מִבְטַחִֽ/י׃ 25 אִם־אֶ֭שְׂמַח כִּי־רַ֣ב חֵילִ֑/י וְ/כִֽי־כַ֝בִּ֗יר מָצְאָ֥ה יָדִֽ/י׃ 26 אִם־אֶרְאֶ֣ה א֖וֹר כִּ֣י יָהֵ֑ל וְ֝/יָרֵ֗חַ יָקָ֥ר הֹלֵֽךְ׃ 27 וַ/יִּ֣פְתְּ בַּ/סֵּ֣תֶר לִבִּ֑/י וַ/תִּשַּׁ֖ק יָדִ֣/י לְ/פִֽ/י׃ 28 גַּם־ה֭וּא c עָוֺ֣ן פְּלִילִ֑י כִּֽי־כִחַ֖שְׁתִּי לָ/אֵ֣ל מִ/מָּֽעַל׃ 29 אִם־אֶ֭שְׂמַח בְּ/פִ֣יד מְשַׂנְאִ֑/י וְ֝/הִתְעֹרַ֗רְתִּי כִּֽי־מְצָ֥א/וֹ רָֽע׃ 30 וְ/לֹא־נָתַ֣תִּי לַ/חֲטֹ֣א חִכִּ֑/י לִ/שְׁאֹ֖ל בְּ/אָלָ֣ה נַפְשֽׁ/וֹ׃ 31 אִם־לֹ֣א אָ֭מְרוּ מְתֵ֣י אָהֳלִ֑/י מִֽי־יִתֵּ֥ן מִ֝/בְּשָׂר֗/וֹ לֹ֣א נִשְׂבָּֽע׃ 32 בַּ֭/חוּץ לֹא־יָלִ֣ין גֵּ֑ר דְּ֝לָתַ֗/י לָ/אֹ֥רַח אֶפְתָּֽח׃ 33 אִם־כִּסִּ֣יתִי כְ/אָדָ֣ם פְּשָׁעָ֑/י לִ/טְמ֖וֹן בְּ/חֻבִּ֣/י עֲוֺֽנִ/י׃ 34 כִּ֤י אֶֽעֱר֨וֹץ ׀ הָ֘מ֤וֹן רַבָּ֗ה וּ/בוּז־מִשְׁפָּח֥וֹת יְחִתֵּ֑/נִי וָ֝/אֶדֹּ֗ם לֹא־אֵ֥צֵא פָֽתַח׃ 35 מִ֤י יִתֶּן־לִ֨/י ׀ שֹׁ֘מֵ֤עַֽ לִ֗/י הֶן־תָּ֭וִ/י שַׁדַּ֣י יַעֲנֵ֑/נִי וְ/סֵ֥פֶר כָּ֝תַ֗ב אִ֣ישׁ רִיבִֽ/י׃ 36 אִם־לֹ֣א עַל־שִׁ֭כְמִ/י אֶשָּׂאֶ֑/נּוּ אֶֽעֶנְדֶ֖/נּוּ עֲטָר֣וֹת לִֽ/י׃ 37 מִסְפַּ֣ר צְ֭עָדַ/י אַגִּידֶ֑/נּוּ כְּמוֹ־נָ֝גִ֗יד אֲקָרֲבֶֽ/נּוּ׃ 38 אִם־עָ֭לַ/י אַדְמָתִ֣/י תִזְעָ֑ק וְ֝/יַ֗חַד תְּלָמֶ֥י/הָ יִבְכָּיֽוּ/ן׃ 39 אִם־כֹּ֭חָ/הּ c אָכַ֣לְתִּי בְלִי־כָ֑סֶף וְ/נֶ֖פֶשׁ בְּעָלֶ֣י/הָ הִפָּֽחְתִּי׃ 40 תַּ֤חַת חִטָּ֨ה ׀ יֵ֥צֵא ח֗וֹחַ וְ/תַֽחַת־שְׂעֹרָ֥ה בָאְשָׁ֑ה תַּ֝֗מּוּ דִּבְרֵ֥י אִיּֽוֹב׃ פ

c 31:4 We read one or more accents in L differently than BHS. Often this notation indicates a typographical error in BHS. 1 31:7 BHS has been faithful to the Leningrad Codex where there might be a question of the validity of the form and we keep the same form as BHS. * 31:11 הואהִ֥יא † 31:11 ו/היאוְ֝/ה֗וּא c 31:19 We read one or more accents in L differently than BHS. Often this notation indicates a typographical error in BHS. ‡ 31:20 חלצ/וחֲלָצָ֑י/ו c 31:28 We read one or more accents in L differently than BHS. Often this notation indicates a typographical error in BHS. c 31:39 We read one or more accents in L differently than BHS. Often this notation indicates a typographical error in BHS.