☰ Psa 83
1  שִׁ֖יר מִזְמ֣וֹר לְ/אָסָֽף׃ 2  * אֱלֹהִ֥ים אַל־דֳּמִי־לָ֑/ךְ אַל־תֶּחֱרַ֖שׁ וְ/אַל־תִּשְׁקֹ֣ט אֵֽל׃ 3  † כִּֽי־הִנֵּ֣ה א֭וֹיְבֶי/ךָ יֶהֱמָי֑וּ/ן וּ֝/מְשַׂנְאֶ֗י/ךָ נָ֣שְׂאוּ רֹֽאשׁ׃ 4  ‡ עַֽל־עַ֭מְּ/ךָ יַעֲרִ֣ימוּ ס֑וֹד וְ֝/יִתְיָעֲצ֗וּ עַל־צְפוּנֶֽי/ךָ׃ 5  § אָמְר֗וּ לְ֭כוּ וְ/נַכְחִידֵ֣/ם מִ/גּ֑וֹי וְ/לֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃ 6  * כִּ֤י נוֹעֲצ֣וּ לֵ֣ב יַחְדָּ֑ו עָ֝לֶ֗י/ךָ בְּרִ֣ית יִכְרֹֽתוּ׃ 7  † אָהֳלֵ֣י אֱ֭דוֹם וְ/יִשְׁמְעֵאלִ֗ים מוֹאָ֥ב וְ/הַגְרִֽים׃ 8  ‡ גְּבָ֣ל וְ֭/עַמּוֹן וַ/עֲמָלֵ֑ק פְּ֝לֶ֗שֶׁת עִם־יֹ֥שְׁבֵי צֽוֹר׃ 9  § גַּם־אַ֭שּׁוּר נִלְוָ֣ה עִמָּ֑/ם הָ֤י֥וּ זְר֖וֹעַ לִ/בְנֵי־ל֣וֹט סֶֽלָה׃ 10  * עֲשֵֽׂה־לָ/הֶ֥ם כְּ/מִדְיָ֑ן כְּֽ/סִֽיסְרָ֥א כְ֝/יָבִ֗ין בְּ/נַ֣חַל קִישֽׁוֹן׃ 11  † נִשְׁמְד֥וּ בְֽ/עֵין־דֹּ֑אר הָ֥יוּ דֹּ֝֗מֶן לָ/אֲדָמָֽה׃ 12  ‡ שִׁיתֵ֣/מוֹ נְ֭דִיבֵ/מוֹ כְּ/עֹרֵ֣ב וְ/כִ/זְאֵ֑ב וּֽ/כְ/זֶ֥בַח וּ֝/כְ/צַלְמֻנָּ֗ע כָּל־נְסִיכֵֽ/מוֹ׃ 13  § אֲשֶׁ֣ר אָ֭מְרוּ נִ֣ירֲשָׁה לָּ֑/נוּ אֵ֝֗ת נְא֣וֹת אֱלֹהִֽים׃ 14  * אֱֽלֹהַ֗/י שִׁיתֵ֥/מוֹ כַ/גַּלְגַּ֑ל כְּ֝/קַ֗שׁ לִ/פְנֵי־רֽוּחַ׃ 15  † כְּ/אֵ֥שׁ תִּבְעַר־יָ֑עַר וּ֝/כְ/לֶהָבָ֗ה תְּלַהֵ֥ט הָרִֽים׃ 16  ‡ כֵּ֭ן תִּרְדְּפֵ֣/ם בְּ/סַעֲרֶ֑/ךָ וּ/בְ/סוּפָתְ/ךָ֥ תְבַהֲלֵֽ/ם׃ 17  § מַלֵּ֣א פְנֵי/הֶ֣ם קָל֑וֹן וִֽ/יבַקְשׁ֖וּ שִׁמְ/ךָ֣ יְהוָֽה׃ 18  * יֵבֹ֖שׁוּ וְ/יִבָּהֲל֥וּ עֲדֵי־עַ֗ד וְֽ/יַחְפְּר֥וּ וְ/יֹאבֵֽדוּ׃ 19  † וְֽ/יֵדְע֗וּ כִּֽי־אַתָּ֬ה שִׁמְ/ךָ֣ יְהוָ֣ה לְ/בַדֶּ֑/ךָ עֶ֝לְי֗וֹן עַל־כָּל־הָ/אָֽרֶץ׃
* 83:2 KJV:Ps.83.1 † 83:3 KJV:Ps.83.2 ‡ 83:4 KJV:Ps.83.3 § 83:5 KJV:Ps.83.4 * 83:6 KJV:Ps.83.5 † 83:7 KJV:Ps.83.6 ‡ 83:8 KJV:Ps.83.7 § 83:9 KJV:Ps.83.8 * 83:10 KJV:Ps.83.9 † 83:11 KJV:Ps.83.10 ‡ 83:12 KJV:Ps.83.11 § 83:13 KJV:Ps.83.12 * 83:14 KJV:Ps.83.13 † 83:15 KJV:Ps.83.14 ‡ 83:16 KJV:Ps.83.15 § 83:17 KJV:Ps.83.16 * 83:18 KJV:Ps.83.17 † 83:19 KJV:Ps.83.18
☰