1Sa 5

1 וּ/פְלִשְׁתִּים֙ לָֽקְח֔וּ אֵ֖ת אֲר֣וֹן הָ/אֱלֹהִ֑ים וַ/יְבִאֻ֛/הוּ מֵ/אֶ֥בֶן הָעֵ֖זֶר אַשְׁדּֽוֹדָ/ה׃ 2 וַ/יִּקְח֤וּ פְלִשְׁתִּים֙ אֶת־אֲר֣וֹן הָ/אֱלֹהִ֔ים וַ/יָּבִ֥יאוּ אֹת֖/וֹ בֵּ֣ית דָּג֑וֹן וַ/יַּצִּ֥יגוּ אֹת֖/וֹ אֵ֥צֶל דָּגֽוֹן׃ 3 וַ/יַּשְׁכִּ֤מוּ אַשְׁדּוֹדִים֙ מִֽ/מָּחֳרָ֔ת וְ/הִנֵּ֣ה דָג֗וֹן נֹפֵ֤ל לְ/פָנָי/ו֙ אַ֔רְצָ/ה לִ/פְנֵ֖י אֲר֣וֹן יְהוָ֑ה וַ/יִּקְחוּ֙ אֶת־דָּג֔וֹן וַ/יָּשִׁ֥בוּ אֹת֖/וֹ לִ/מְקוֹמֽ/וֹ׃ 4 וַ/יַּשְׁכִּ֣מוּ בַ/בֹּקֶר֮ מִֽ/מָּחֳרָת֒ וְ/הִנֵּ֣ה דָג֗וֹן נֹפֵ֤ל לְ/פָנָי/ו֙ אַ֔רְצָ/ה לִ/פְנֵ֖י אֲר֣וֹן יְהוָ֑ה וְ/רֹ֨אשׁ דָּג֜וֹן וּ/שְׁתֵּ֣י ׀ כַּפּ֣וֹת יָדָ֗י/ו כְּרֻתוֹת֙ אֶל־הַ/מִּפְתָּ֔ן רַ֥ק דָּג֖וֹן נִשְׁאַ֥ר עָלָֽי/ו׃ 5 עַל־כֵּ֡ן לֹֽא־יִדְרְכוּ֩ כֹהֲנֵ֨י דָג֜וֹן וְ/כָֽל־הַ/בָּאִ֧ים בֵּית־דָּג֛וֹן עַל־מִפְתַּ֥ן דָּג֖וֹן בְּ/אַשְׁדּ֑וֹד עַ֖ד הַ/יּ֥וֹם הַ/זֶּֽה׃ ס 6 וַ/תִּכְבַּ֧ד יַד־יְהוָ֛ה אֶל־הָ/אַשְׁדּוֹדִ֖ים וַ/יְשִׁמֵּ֑/ם וַ/יַּ֤ךְ אֹתָ/ם֙ ב/עפלים* a אֶת־אַשְׁדּ֖וֹד וְ/אֶת־גְּבוּלֶֽי/הָ׃ 7 וַ/יִּרְא֥וּ אַנְשֵֽׁי־אַשְׁדּ֖וֹד כִּֽי־כֵ֑ן וְ/אָמְר֗וּ לֹֽא־יֵשֵׁ֞ב אֲר֨וֹן אֱלֹהֵ֤י יִשְׂרָאֵל֙ עִמָּ֔/נוּ כִּֽי־קָשְׁתָ֤ה יָד/וֹ֙ עָלֵ֔י/נוּ וְ/עַ֖ל דָּג֥וֹן אֱלֹהֵֽי/נוּ׃ 8 וַ/יִּשְׁלְח֡וּ וַ/יַּאַסְפוּ֩ אֶת־כָּל־סַרְנֵ֨י פְלִשְׁתִּ֜ים אֲלֵי/הֶ֗ם וַ/יֹּֽאמְרוּ֙ מַֽה־נַּעֲשֶׂ֗ה לַֽ/אֲרוֹן֙ אֱלֹהֵ֣י יִשְׂרָאֵ֔ל וַ/יֹּ֣אמְר֔וּ גַּ֣ת יִסֹּ֔ב אֲר֖וֹן אֱלֹהֵ֣י יִשְׂרָאֵ֑ל וַ/יַּסֵּ֕בּוּ אֶת־אֲר֖וֹן אֱלֹהֵ֥י יִשְׂרָאֵֽל׃ ס 9 וַ/יְהִ֞י אַחֲרֵ֣י ׀ הֵסַ֣בּוּ אֹת֗/וֹ וַ/תְּהִ֨י יַד־יְהוָ֤ה ׀ בָּ/עִיר֙ מְהוּמָה֙ גְּדוֹלָ֣ה מְאֹ֔ד וַ/יַּךְ֙ אֶת־אַנְשֵׁ֣י הָ/עִ֔יר מִ/קָּטֹ֖ן וְ/עַד־גָּד֑וֹל וַ/יִּשָּׂתְר֥וּ לָ/הֶ֖ם עפלים†׃ 10 וַֽ/יְשַׁלְּח֛וּ אֶת־אֲר֥וֹן הָ/אֱלֹהִ֖ים עֶקְר֑וֹן וַ/יְהִ֗י כְּ/ב֨וֹא אֲר֤וֹן הָ/אֱלֹהִים֙ עֶקְר֔וֹן וַ/יִּזְעֲק֨וּ הָֽ/עֶקְרֹנִ֜ים לֵ/אמֹ֗ר הֵסַ֤בּוּ אֵלַ/י֙ אֶת־אֲרוֹן֙ אֱלֹהֵ֣י יִשְׂרָאֵ֔ל לַ/הֲמִיתֵ֖/נִי וְ/אֶת־עַמִּֽ/י׃ 11 וַ/יִּשְׁלְח֨וּ וַ/יַּאַסְפ֜וּ אֶת־כָּל־סַרְנֵ֣י פְלִשְׁתִּ֗ים וַ/יֹּֽאמְרוּ֙ שַׁלְּח֞וּ אֶת־אֲר֨וֹן אֱלֹהֵ֤י יִשְׂרָאֵל֙ וְ/יָשֹׁ֣ב לִ/מְקֹמ֔/וֹ וְ/לֹֽא־יָמִ֥ית אֹתִ֖/י וְ/אֶת־עַמִּ֑/י כִּֽי־הָיְתָ֤ה מְהֽוּמַת־מָ֨וֶת֙ בְּ/כָל־הָ/עִ֔יר כָּבְדָ֥ה מְאֹ֛ד יַ֥ד הָ/אֱלֹהִ֖ים שָֽׁם׃ 12 וְ/הָֽ/אֲנָשִׁים֙ אֲשֶׁ֣ר לֹא־מֵ֔תוּ הֻכּ֖וּ ב/עפלים‡ a וַ/תַּ֛עַל שַֽׁוְעַ֥ת הָ/עִ֖יר הַ/שָּׁמָֽיִם׃

* 5:6 ב/עפליםבַּ/טְּחֹרִ֔ים a 5:6 Adaptations to a Qere which L and BHS, by their design, do not indicate. † 5:9 עפליםטְחֹרִֽים ‡ 5:12 ב/עפליםבַּ/טְּחֹרִ֑ים a 5:12 Adaptations to a Qere which L and BHS, by their design, do not indicate.