Psa 56

1 לַ/מְנַצֵּ֤חַ ׀ עַל־י֬וֹנַת אֵ֣לֶם רְ֭חֹקִים לְ/דָוִ֣ד מִכְתָּ֑ם בֶּֽ/אֱחֹ֨ז אֹת֖/וֹ פְלִשְׁתִּ֣ים בְּ/גַֽת׃ 2 * חָנֵּ֣/נִי אֱ֭לֹהִים כִּֽי־שְׁאָפַ֣/נִי אֱנ֑וֹשׁ כָּל־הַ֝/יּ֗וֹם לֹחֵ֥ם יִלְחָצֵֽ/נִי׃ 3 † שָׁאֲפ֣וּ שׁ֭וֹרְרַ/י כָּל־הַ/יּ֑וֹם כִּֽי־רַבִּ֨ים לֹחֲמִ֖ים לִ֣/י מָרֽוֹם׃ 4 ‡ י֥וֹם אִירָ֑א אֲ֝נִ֗י אֵלֶ֥י/ךָ אֶבְטָֽח׃ 5 § בֵּ/אלֹהִים֮ אֲהַלֵּ֪ל דְּבָ֫ר֥/וֹ בֵּ/אלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽ/י׃ 6 * כָּל־הַ֭/יּוֹם דְּבָרַ֣/י יְעַצֵּ֑בוּ עָלַ֖/י כָּל־מַחְשְׁבֹתָ֣/ם לָ/רָֽע׃ 7 † יָג֤וּרוּ ׀ יצפינו‡ הֵ֭מָּה עֲקֵבַ֣/י יִשְׁמֹ֑רוּ כַּ֝/אֲשֶׁ֗ר קִוּ֥וּ נַפְשִֽׁ/י׃ 8 § עַל־אָ֥וֶן פַּלֶּט־לָ֑/מוֹ בְּ֝/אַ֗ף עַמִּ֤ים ׀ הוֹרֵ֬ד אֱלֹהִֽים׃ 9 * נֹדִ/י֮ סָפַ֪רְתָּ֫ה אָ֥תָּה שִׂ֣ימָ/ה דִמְעָתִ֣/י בְ/נֹאדֶ֑/ךָ הֲ֝/לֹ֗א בְּ/סִפְרָתֶֽ/ךָ׃ 10 † אָ֥֨ז יָ֘שׁ֤וּבוּ אוֹיְבַ֣/י אָ֭חוֹר בְּ/י֣וֹם אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽ/י׃ 11 ‡ בֵּֽ֭/אלֹהִים אֲהַלֵּ֣ל דָּבָ֑ר בַּ֝/יהוָ֗ה אֲהַלֵּ֥ל דָּבָֽר׃ 12 § בֵּֽ/אלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽ/י׃ 13 * עָלַ֣/י אֱלֹהִ֣ים נְדָרֶ֑י/ךָ אֲשַׁלֵּ֖ם תּוֹדֹ֣ת לָֽ/ךְ׃ 14 † כִּ֤י הִצַּ֪לְתָּ נַפְשִׁ֡/י מִ/מָּוֶת֮ הֲ/לֹ֥א רַגְלַ֗/י מִ֫/דֶּ֥חִי לְ֭/הִֽתְהַלֵּךְ לִ/פְנֵ֣י אֱלֹהִ֑ים בְּ֝/א֗וֹר הַֽ/חַיִּֽים׃

*56:2 KJV:Ps.56.1

†56:3 KJV:Ps.56.2

‡56:4 KJV:Ps.56.3

§56:5 KJV:Ps.56.4

*56:6 KJV:Ps.56.5

†56:7 KJV:Ps.56.6

‡56:7 יצפינויִצְפּ֗וֹנוּ

§56:8 KJV:Ps.56.7

*56:9 KJV:Ps.56.8

†56:10 KJV:Ps.56.9

‡56:11 KJV:Ps.56.10

§56:12 KJV:Ps.56.11

*56:13 KJV:Ps.56.12

†56:14 KJV:Ps.56.13