125
Ka keupianan te keet-etawan te Manama
Ka ulahingen te pegpatakereg diye te Hirusalim.
1 Ka me etew ne migsalig te Magbebaye ne Manama,
egpekeiling te Bubungan ne Siyun ne maresen wey kene egkaweil.
2 Egtamengan te Magbebaye ka keet-etawan din te ware egtamanan,
iling te siyudad te Hirusalim ne nalingutan te me bubungan.
3 Ka me etew ne mareet se hinimuwan, kene egpakapabulus-bulus ne egmandu te tane ne in-ugpaan te me matareng,
su kema ke eggimu e degma te mareet ka me matareng.
4 He Magbebaye ne Manama, himuwa nu ka meupiya diye te me matareng,
wey diye te seeye se maheteng se sumansuman.
5 Piru legpari nu duma te me makasesale ka keet-etawan nu ne mig-inniyug keykew,
wey mig-ikul te mareet ne hinimuwan.
Egginguma ka keupianan te Israil.