127
Ka pegpasalamat te keupiya te Manama
Ka ulahingen ni Sulumun para te pegpatakereg diye te Hirusalim.
1 Ke kene egbulig ka Magbebaye ne Manama te pegpasasindeg te baley,
ware karuan te peglasey-lasey te etew ne migpasasindeg te sika ne baley.
Ke kene egbantayan te Magbebaye ne Manama ka siyudad, ware karuan te me talagbantey ne egpulan ne egbantey.
2 Ware karuan te maselem-selem ne peggimata,
wey te egkapulan te peglasey-lasey eyew egkeuyag de,
su ka Manama man de ka egbehey te me keilangan te seeye se inggeyinawaan din, minsan te timpu ne egmanlipereng sikandan.
3 Karatuan puun te Magbebaye ne Manama ka me anak,
meupiya ne dasag ka puun te aanakan.
4 Ka me anak ne lukes ne neetew te bate-bate pad ka amey,
egpekeiling te me tunud te sabeka ne bahani.
5 Keupianan te etew ne masulug se me anak ne lukes!
Kene sikandin egkapeyilawan ke egpakig-apul te me kuntere din diye te hukumanan.