133
Ka peg-ugpe ne due pegsabeka
Ka ulahingen ni Dabid para te pegpatakereg diye te Hirusalim.
1 Amana ne tetelesi wey amana ne meupiya,
ke due pegsabeka te peg-ugpe te keet-etawan te Manama!
2 Ka pegsabeka egpekeiling te mahal ne lana,
ne in-itis diye te ulu ni Aarun,
ne migtulayas peendiye te sumpe din,
wey diye te ulang te kumbale din.
3 Ne egpekeiling seini te demmug diye te Bubungan te Hirmun
ne migtihis diye te me bubungan te Hirusalim.
Migsaad ka Magbebaye ne Manama diye te Hirusalim te panalangin
ne iyan ka umul ne ware egtamanan.