1 Ne migkahi si Amus, “Mekeyid‑u-hid‑u seeye se me matubung ne mig-ugpe diye te Hirusalim,* Te Hibruwanen: Siyun. Sabeka seini te me ngaran te Hirusalim. wey seeye se mig-ugpe ne ware igkabantali diye te bubungan te Samarya. Sikaniyu ka in-ila ne me mabantug ne me etew wey aputanan te me mahinged te Israil, ka inged ne labew te langun ne me inged. 2 Hendiye kew wey pitawa niyu ka lungsud te Kalni, wey leus kew diye te mabantug ne lungsud te Hamat, wey tupang kew diye te lungsud te Gat ne sakup te Pilistiya. Meupiya naan pad seini ne me inged te Huda wey Israil? Malmaluag naa ka tane dan te tane niyu? 3 Eggubabe kew ne egginguma ka aldew ne egsahap kew, piru nasi de iya egmahaan ka pegsahap niyu tenged te mareet ne me hinimuwan† Te Hibruwanen: imparani niyu ka pinnuuwan te karereetan. niyu. 4 Amana ne mekeyid‑u-hid‑u ka egkeyitabu kaniyu te migmangibat-hibat de te me mahal‡ Te Hibruwanen: hibatanan ne migpuun te pannayew te Ilipanti. wey te mewumel-humel ne hibatanan, wey miggibhibulung te ngalap te in-alam ne nati te karniru wey te nati te baka. 5 Nangulahing kew pad te ware karuan ne me ulahingen ne igbales niyu te alpa. Iling ki Dabid, nangimu kew degma te me alpa para te me ulahingen niyu. 6 Nangiinum kew te binu ne iyan inggamit ka derakel ne me ubab,§ Te Hibruwanen: me yahung. wey migpamaluhu te me mahal ne peemut, piru ware kew miglungku te karereetan te kabuhalan ni Husi. 7 Sikan naa, sikaniyu ka hun‑a ne egpandakepen wey egpanguyanen, wey egkataman e ka me kalibulungan wey me sahakeen niyu.”

8 Ne mapahetpet ne migsaad* Te Hibruwanen: migsaad te pegkeetew rin. ka Magbebaye ne Manama, ka Amana ne Maresen ne Manama. Migkahi sikandin, “Igkalanglangeti ku ka pegkaambuhen te me Israilita, wey igkeepes ku ka mallig‑en ne me baley ran ne matikang. Purisu igbehey ku te me kuntere ka siyudad dan duma te langun ne diye te siyudad.”

9 Ne emun ke due sapulu (10) ne etew ne egkasame te sabeka ne baley, egkaamin iya man‑e sikandan egpatey. 10 Ne emun ke egginguma ka karumaan te nammatey eyew igpalihawang ka me minatey diye te baley eyew egtutungen, eg-inse sikandin te minsan hentew ne diye te ledled te baley, “Duen pad lein ne duma nu rue?” Ke egtabak ka etew, “Ware!” ne egkahi e sikandin,

“Peeneng-eneng kad! Eg-ayad-ayad ki ne kene ta egkarawit ka ngaran te Magbebaye ne Manama.”† Mahirap ne egsabuten seini piru ka marani ne igpasabut iyan buwa se due daruwa ne etew ne egyayung te minatey. Egsaparan naa te sabeka ka dangeb ne kene egdawit te ngaran te Magbebaye ne Manama su kema ke egkanasnasian pad egmasumpit ka egkeulaula ran. 11 Ne kuntee, pammineg kew, egsuhu ka Magbebaye ne Manama, wey igpahuhus din ka derakel wey igpalupet din ka dereisek ne me baley. 12 Egpallahuy naa ka me kudde diye te batuwen? Igpakararu naa te etew ka me baka diye te dahat? Kene! Piru sikaniyu mule inggimu niyu ne mareet ka maheteng,‡ Te Hibruwanen: inggimu ne eggilu ka eleg ne peggukum. wey immareet niyu ka eleg.

13 Migpeggasal kew te natalu niyu ka lungsud te Ludibar wey Karnaim. Ne migkahi kew, “Mannekal ki iya wey natalu ta ka lungsud te Karnaim te kanta re.”

14 Piru migkahi ka Magbebaye ne Manama, ka Amana ne Maresen ne Manama, “Egpalusuran ku sikaniyu te sabeka ne nasud, me Israilita. Egbaybayaran kew nikandan puun te Dalan te Hamat§ Egkakita diye te igkahibang ne balabahan. peendiye te Beuhan te Araba.”* Egkakita diye te igkakawanan ne balabahan.