1 Ne miggimu si Bisalil te altar ne akasya ne tutunganan te igpanubad. Sapulu ne dangew ka kalayat wey sapulu degma ne dangew ka kaluag eyew egkakuwadradu ka altar, wey hen‑em ne dangew ka katikang. 2 Inggimuwan din te sungey-sungey ka hep‑at ne me pikungan wey tapey rin e itangen diye te altar human din buliti langun te burunsi eyew egpekegsumpul re. 3 Ne migpangimu sikandin te langun ne burunsi ne kasangkapan te altar: Me tayaanan te abu, me pala ne dereisek, me pelenggana, me tinidur ne derakel, wey tahuanan te baha. 4 Ne miggimu sikandin te mahalat ne tuuhanan ne burunsi ne egtuuhan te igpanubad ne intangen diye te seled te altar, wey diye din itangen te liwaraan te altar. 5 Ne miggimu degma sikandin te hep‑at ne derakel ne sising ne burunsi ne eglugluhan te me dullug ne igyayung te altar, wey intalinga rin seini diye te lenged te intangenan te tuuhanan ne burunsi. 6 Ne miggimu man‑e sikandin te me dullug ne akasya ne igyayung te altar wey imbulitan din te burunsi. 7 Inluglug din ka me dullug diye te derakel ne me sising ne intalinga diye te hep‑at ne pikungan te altar. Immahalat din te eggimu ka altar ne iyan alabat se tabla.

8  ✡ Iks 30:18.Ne miggimu si Bisalil te burunsi ne pelenggana ne lu‑luanan duma te egpapinnuuwan te pelenggana. Alungan ne burunsi te me malitan ne migtrabahu diye te gumawan te balungbalung* Te Hibruwanen: balungbalung ne temuwanan. ka inggamit din te peggimu te pelenggana wey te papinnuuwan te pelenggana.

9 Ne inteilan din ka balungbalung te lama ne nakalingut wey in-alad din ka diye te igkakawanan te balungbalung, wey in-alabatan din te mahal ne hinabel ne me hep‑at ne pulu wey lalimma (45) ne mitrus ka kalayat. 10 Insanggat din ka hinabel diye te daruwa ne pulu (20) ne sungkaleg ne burunsi ne ig-alad wey impabunsud te daruwa ne pulu (20) ne pabunsuran ne burunsi red, wey intahuan te pelata ne me sanggatanan wey te igsanggat te hinabel. 11 In-alad din degma ka diye te igkahibang ne balabahan te balungbalung te daruwa ne pulu (20) ne sungkaleg ne burunsi ne impabunsud te daruwa ne pulu (20) ne pabunsuran ne burunsi red. Ne in-alabatan din seeye te mahal ne hinabel ne me hep‑at ne pulu wey lalimma (45) ne mitrus ka kalayat, wey insanggat din seeye diye te me sanggatanan ne me pelata ne diye te me sungkaleg wey te igsanggat te hinabel. 12 In-alad din degma ka diye dapit te liyu† Te Hibruwanen: iglineb. te balungbalung te sapulu ne sungkaleg ne impabunsud diye te sapulu ne pabunsuran. In-alabatan din seeye te mahal ne hinabel ne me daruwa ne pulu wey daruwa (22) ne mitrus ka kalayat, wey insanggat din seeye diye te pelata ne me sanggatanan diye te me sungkaleg wey te igsanggat te hinabel. 13 Inteilan din degma te mahal ne hinabel ne me daruwa ne pulu wey daruwa (22) ne mitrus ka kalayat ka diye dapit te tangkaan te balungbalung ne egpakarapit te igsile. 14 Ne in-alad din ka igkakawanan te gumawan te alad te tatelu ne sungkaleg ne impabunsud te tatelu ne pabunsuran, wey in-alabatan din te mahal ne hinabel ne me pitu ne mitrus ka kalayat. 15 Ne ka diye te igkahibang te gumawan te alad, in-alad din degma te tatelu ne sungkaleg ne impabunsud te tatelu ne pabunsuran, wey in-alabatan te mahal ne hinabel ne me pitu ne mitrus se kalayat. Sikan naa ka nekeg-iling ka kalayat te in-alabat te igkakawanan wey igkahibang te gumawan te alad te balungbalung. 16 Ka langun ne hinabel ne inlingut te eg-alabat te alad te lama, inggimu puun te mahal ne hinabel. 17 Ne burunsi ka pabunsuran te tatelu ne sungkaleg, piru pelata ka me sanggatanan wey ka igsanggat te hinabel. Ne pelata red degma ka imbulit te me ulu-ulu te me sungkaleg, wey imbalabahan te malibusen ne pelata ka langun ne me sungkaleg. 18 Ka hinabel ne igdingding te gumawan te alad te lama, impegselet te hinabel ne meilem, malalab, wey malugtem, wey te mahal ne hinabel. Siyam ne mitrus ka kalayat te hinabel wey daruwa ne mitrus ka kaluag iling te hinabel ne in-alabat te alad te lama. 19 Imbitin ka hinabel diye te hep‑at ne sungkaleg ne impabunsud te hep‑at ne pabunsuran ne burunsi. Piru pelata ka me sanggatanan wey ka igsanggat diye te me sungkaleg ne imbulitan te pelata. 20 Neelin ne burunsi ka igpakpak te tane ne eggiketan te lubid te balungbalung wey te me hinabel ne ig-alabat te alad.

21 Seini ka listaan te me kasangkapan ne inggamit te pegpasasindeg te matulus ne balungbalung ne in-alad, ne intahuan te Tahuanan te Kasabutan. Inlista seini te me Libita ne impanguluwan te anak ni Aarun ne si Itamar, sumale te insuhu kandan ni Muwisis.

22 Si Bisalil ka miggimu te langun ne insuhu te Magbebaye ne Manama ki Muwisis. Si Bisalil, anak ni Uri wey apu ni Hur ne egpuun te me kabuhalan ni Huda. 23 Si Uhuliab ka duma rin, wey iyan talagtulis wey talagdayan-dayan te me batu, wey talagteyi te me hinabel ne meilem, malalab wey malugtem, wey te mahal ne hinabel. Si Uhuliab, anak ni Ahisamak ne egpuun te me kabuhalan ni Dan.

24 Indasag te me etew diye te Manama ka bulawan ne inggamit te peggimu te balungbalung, wey migsabeka ne libu (1,000) ne kilu ka bulawan ne natimbang diye te timbangan te me talagpanubad.‡ Te Hibruwanen: sikil te balungbalung. 25  ✡ Iks 30:11-16.Tatelu ne libu wey hep‑at ne gatus wey tatelu ne pulu (3,430) ne kilu ka pelata ne natimbang dan diye te timbangan te me talagpanubad.§ Te Hibruwanen: sikil te balungbalung. 26  ✡ Mat 17:24.Sika langun ka imbehey te me etew ne migpasinsus. Migbehey ka tagse sabeka kandan te dasag dan wey intimbang dan te timbangan te me talagpanubad.* Te Hibruwanen: sikil te balungbalung. Mighen‑em ne gatus wey tatelu ne libu wey lalimma ne gatus wey lalimma ne pulu (603,550) ka me etew ne nasinsus ne daruwa ne pulu wey ke suble e ka idad. 27 Ka tatelu ne libu wey hep‑at ne gatus (3,400) ne kilu ne pelata, inggamit te peggimu te sabeka ne gatus (100) ne pabunsuran te balungbalung wey te me hinabel. Tatelu ne pulu wey hep‑at (34) ne kilu ka nahamit te tagse pabunsuran. 28 Ka nasame ne daruwa ne pulu (20) ne kilu ne pelata, inggamit dan te peggimu te me sanggatanan, igmananggat te me hinabel, wey imbulit dan man‑e te me sungkaleg. 29 Migdaruwa ne libu wey hep‑at ne gatus wey daruwa ne pulu wey lalimma (2,425) ne kilu ka burunsi ne indasag te me etew diye te Manama. 30 Inggamit dan ka me burunsi te peggimu te me pabunsuran te me sungkaleg te gumawan te balungbalung,† Te Hibruwanen: balungbalung ne temuwanan. wey te altar, wey te mahalat ne egtuuhan te igpanubad, wey te langun ne kasangkapan te altar. 31 Ka duma ne burunsi, inggamit dan te peggimu te me pabunsuran te me sungkaleg ne in-alad te lama, wey te gumawan te alad, wey te langun ne igpakpak te tane ne eggiketan te lubid te balungbalung wey te me hinabel ne in-alabat te alad te lama.