1 Nataman, migkahiyan e te Magbebaye ne Manama si Nuwi, “Untud kew e se taltalaanak te arka, su te langun ne etew kayi te ampew te tane, sikeykew re ka nakita ku ne matareng. 2 Uyan ka te tigpitu ne lunggunan te langun ne nakalkalasi ne mananap ne in-isip ne malinis.* Ka “mananap ne malinis” ka mananap ne eleg ne igbehey te Manama. Piru ka me mananap ne in-isip ne malindit, tigsalimbeka re ne lunggunan uyana nu. 3 Uyan ka man‑e te tigpitu ne lunggunan te langun ne nakalkalasi ne manuk-manuk te aw-awangan, eyew egkabuhal pad sikandan kayi te ampew te tane. 4 Te igkapitu ne aldew kuntee, egpeuranen ku te hep‑at ne pulu (40) ne aldew wey hep‑at ne pulu (40) ne karusileman eyew egpatey ka langun ne inggimu ku kayi te ampew te tane.” 5 Ne intuman ni Nuwi ka langun ne insuhu kandin te Magbebaye ne Manama.

6 Te impasipukan ka kalibutan, hen‑em e ne gatus (600) ka idad ni Nuwi. 7  ✡ Mat 24:38-39; Luk 17:27.Ne mig-untud e te arka si Nuwi duma te asawa rin wey te me anak din duma te me asawa ran eyew kene egpamatey te pegsipuk te weyig. 8 Seeye se in-isip ne malinis wey ke malindit naa ne me mananap, me manuk-manuk, wey ka langun ne egdul‑ug, 9 nekeglunggun sikandan ka nanguntud te arka duma ki Nuwi sumale te insuhu te Manama kandin. 10 Peglihad te pitu ne aldew, migbunsud e ka weyig ne migsipuk te kalibutan.

11  ✡ 2Pid 3:6.Te seeye ne timpu, hen‑em e ne gatus (600) ka idad ni Nuwi. Te igkasapulu e wey pitu (17) ne aldew te igkarangeb ne bulan, naluwangan e ka langun ne sebseb wey nabusbus e ka langun ne weyig ne diye te langit. 12 Ne mig-uranan ka kalibutan seled te hep‑at ne pulu (40) ne aldew wey hep‑at ne pulu (40) ne karusileman. 13 Te aldew ne migbunsud e mig-uran, mig-untud e si Nuwi te arka duma te asawa rin wey ka tatelu ne me anak dan ne ensi Sim, Ham, wey Hapit wey ka me ambey ran. 14 Ne nanguntud degma duma kandan ka langun ne nakalkalasi ne mananap, ka me mahintalunan wey ka me ayam, ka me derakel wey mallilintek, wey ka langun ne nakalkalasi ne manuk-manuk. 15 Nekeglunggun ka langun ne klasi te mananap ne induma ni Nuwi te mig-untud te arka, 16 sumale te insuhu te Manama. Nataman, inlekeban e te Magbebaye ne Manama ka gumawan te arka.

17 Ware migkerit ka uran seled te hep‑at ne pulu (40) ne aldew. Ne migdakel e ka weyig, wey mig-antew e ka arka. 18 Ne migpanaman-taman migtulin ka weyig wey migduu e, wey mig-antew-antew e ka arka diye te weyig. 19 Tenged te nasublaan e ka pegdakel te weyig, natimpaan e ka me bubungan kayi te ampew te tane, minsan me matikang. 20 Natimpaan ka puntul te me bubungan te me pitu ne mitrus. 21 Sikan naa ka nahule e ka langun ne eggeheyinawa—ka langun ne manuk-manuk wey ka langun ne mananap, mahintalunan wey ayam, wey ka langun ne etew. 22 Naamin nammatey ka eggeheyinawa kayi te ampew te tane. 23 Inggule te Magbebaye ne Manama ka langun kayi te kalibutan. Ne si Nuwi naan de wey ka me duma rin ne nekeuntud te arka ka ware nammatey. 24 Ne nabunbunan te weyig ka kalibutan seled te 150 ne aldew.