12
1 Ware karuan wey egpakarereet ka langun ne egpangimuwen te Israil
puun te maselem taman te marusilem.
Sikandan layun ka egpuunan te me ubat wey mareet ne hinimuwan,
wey migpakigsabeka sikandan te Asirya wey mig-uyan te lana diye te Ihiptu.
2 Due sumbung te Magbebaye ne Manama te me matig-Huda wey me matig-Israil;
eglegparan din sikandan tenged te me batasan dan;
egsulian din sikandan tenged te hinimuwan dan.
impahutan din ka seping din,
wey te dakel e sikandin, migpakigbueg sikandin te Manama.
4 Migpanalu sikandin ka migpabuehey te panalihan;
migsinehew sikandin wey migpeyid‑u-hid‑u ne egpanalanginan.
Nakita rin ka Manama diye te Bitil
wey migpakiglalag ka Manama kandin diye.
5 Ka Amana ne Maresen ne Magbebaye ne Manama,
iyan din ngaran si Yawi.
6 Piru keilangan ne eglibed ka diye te Manama nu,
wey batasana nu ka peggeyinawa wey ka eleg ne peggukum,
wey tahari nu layun ka Manama nu.
Ka duma pad ne peggukum
7 Ingkahiyan te Magbebaye ne Manama ka me matig-Israil,
“Eggamit ka me nigusyanti te me timbangan ne kene ne eleg;
egkeup-upian en iya sikandan ne egpanlimbung.”
8 Migkahi ka me matig-Ipraim,
“Me meyaman ki ne subla su masulug ka me karatuan ta.
Te pegpakannekal ta ne egkaratu, ware egpakabayung kanta te mareet ne eggimuwen,
su kene dan ma seini egkeilaan.”
9 ✡ Lib 23:42-43.“Sikeddi ka Magbebaye ne Manama niyu;
sikeddi ka migpalihawang kaniyu puun te Ihiptu.
Egpeugpeen ku man‑e sikaniyu diye te me balungbalung,
iling te inggimu niyu te me aldew te Sahakeen diye te me Leeb.
10 “Migpakiglalag a te me prupita,
wey sikeddi ka migpapitew kandan te masulug ne me taheinep,
wey impahuhud ku sikandan te me panunggilingan.
11 Ne iyan insisimba ka me diyus-diyus diye te Gilyad,
wey ka langun ne migsimba dutu, egsahap iya.
Emun ke egpanubad sikandan te turu ne me baka diye te Gilgal,
egkengatempag ka me altar dan wey egpekeiling e te impaayun ne me batu diye te tudling te daruwan.”
12 ✡ Hin 29:1-20.Miglenus si Hakub diye te inged te Aram,
wey migtanggu te me karniru diye eyew egpanganuhang.
13 ✡ Iks 12:50-51.Ne migsuhu ka Magbebaye ne Manama te prupita
ne igpalihawang ka me kabuhalan ni Hakub puun te Ihiptu.
Ne pinaahi te sika ne prupita, intanggu rin sikandan.
14 Piru masulug ka neyimu te me kabuhalan ni Ipraim ne nasagkilan ka Magbebaye ne Manama eyew egkalangetan,
purisu egdusaan iya sikandan te Magbebaye tenged te pegpangimatey ran,
wey egsulian din sikandan te pegbaley-baley ran kandin.