11
Ka malinawen ne peghari
1 ✡ Imp 5:5; 22:16.Egkatamped ka kalayunan te kabuhalan ni Hari Dabid* Iyan insulat diye te Hibruwanen si Hisi ne amey ni Dabid. iling te kayu ne napeled. Piru due egginguma ne sabeka ne Hari puun te kabuhalan din iling te iyam ne subing te tued.
2 Ne eg-ugpe diye te kandin ka Panisingan te Magbebaye ne Manama,
ka panisingan te katagseb, salabutan, geem,
wey panisingan te katuenan wey pegkaaldek te Magbebaye ne Manama.
3 Ne egkahale sikandin ne due pegkaaldek te Magbebaye.
Kene sikandin eggukum sumale te egkakita rin wey ke egkarineg din naa,
4 ✡ 2Tis 2:8.piru eggukuman din duma te katareng wey egpekeg-iling ne peggukum ka seeye se egkengaayu-ayu wey mapariralemen kayi te ampew te tane.
Ne maresen ka lalag din ne egpakalampes te kalibutan eyew te pegdusa te me etew,
wey egpakapatey ka geyinawa rin te seeye se maddeet se egmangimuwen.
5 Ne iglilibed din ka pegkamatareng wey igbelebed din diye te liwaraan din ka pegkamatinumanen.
6 ✡ Isa 65:25.Egpalemungey e ka singgalung wey ka nati te karniru;
egbuluku ka liyupardu duma te nati ne kambing.
Ne egkeen ka me baka duma te me liyun ne ware samuk,
wey iyan de egtanggu kandan ka deisek pad ne bate.
7 Ne egpegdumeey ka baka wey usu ne egpanabtab
wey egbuluku ka nati te usu duma te nati te baka.
Ne egkeen e te lahami ka liyun iling te baka.
8 Ne kene egkamenu ka bate pad
ke egkekelag diye te marani te lungag te dulepu.
Ne kene egkamenu ka bate ne egsikep te lungag te mammiley.
9 ✡ Hab 2:14.Ne warad e egpasakit wey ke egdereet naa diye te Hirusalim,
ka matulus ne bubungan.
Su egkeempet te me etew ne nakataha te Magbebaye ka intiru ne kalibutan
iling te weyig ne nekeempet te dahat.
Ka pegpanguli te naddakep
10 ✡ Rum 15:12.Te sika ne aldew, ka Hari ne kabuhalan ni Dabid, egkeyimu e ne bendila para te keet-etawan. Ne eggendiye te kandin ka me nasud eyew te pegnengneng kandin wey egkabantug ka in-ugpaan din. 11 Te sika ne aldew, eggamiten e man‑e te Magbebaye ne Manama ka geem din eyew te peggawi te nasame ne keet-etawan din puun te Asirya, Ihiptu, Patrus, Itiyupiya, Ilam, Babilunya, Hamat, wey puun diye te ilis te dahat. 12 Egkayawen din ka sabeka ne bendila diye te elat-elat te me nasud wey eglibulungen din ka naddakep ne me Israilita wey ka nenekegsuwey-suwey ne keet-etawan te Huda diye te maddiyu ne inged te kalibutan. 13 Te katamanan, egpeeneng-eneng e ka Israil ne egkeimma te Huda, wey kenad e degma eg-isipen te Huda ne kuntere ka Israil. Egkataman e ka pegkeimma te Israil te Huda, wey kenad e degma eg-ehetan te Huda ka Israil. 14 Ne egsabeka sikandan ka eglusud te me matig-Pilistiya diye te iglineb. Eglusuran dan degma ka me nasud diye te igsile wey eg-ahawen dan ka me kasangkapan te nangugpe diye. Egmanduan dan ka inged ne Idum wey Muwab, wey egsakupen dan ka me kabuhalan ni Amun. 15 ✡ Imp 16:12.Egpeetiyan te Magbebaye ne Manama ka dahat te Ihiptu wey egpakalamahan din te meinit ka Weyig ne Iyupratis eyew egkabaad seini te pitu ne beuhan eyew egpakalapas ka me etew. 16 Ne eg-andam sikandin te maluag ne dalan ne egbayaan te nasame ne keet-etawan din ne egpuun te Asirya, iling te me matig-Israil ne due maluag ne dalan ne imbayaan te peg-awe dan te Ihiptu.