1 Due sabeka ne etew ne egngaranan ki Mikiyas ne mig-ugpe diye te bubungan te Ipraim. 2 Sabeka ne aldew, ingkahiyan din ka iney rin, “Nasuman-suman nu pad ka sabeka ne libu wey sabeka ne gatus (1,100) ne pelata nu ne intakew? Kayi te keddi seini—sikeddiey ka migtakew. Ne kuntee, ig-uli kud e seini keykew su narineg ku nahud sikeykew ne indilus nu ka etew ne migtakew kayi.”

Ne migkahi ka iney rin, “Egpanalanginan ka perem tatu te Magbebaye ne Manama!” 3 In-uli ni Mikiyas ka pelata diye te iney rin. Ingkahiyan sikandin te iney rin, “Eyew kene ka egkarilus tatu, ighalad ku ka me pelata diye te Magbebaye ne Manama eyew eggimuwen ne larawan. Ne iglibed ku red seini keykew.” 4 Purisu, migkuwa re ka iney rin te daruwa ne gatus (200) ne pelata, wey imbehey seini diye te talaggimu te minsan nekey ne egpuun te pelata, wey inggimu e ne larawan. Ne diye seini itahu te baley ni Mikiyas.

5 Si Mikiyas due inged ne ampuanan. Miggimu man‑e sikandin te ipud wey diyus-diyus. Ne inggimu rin ne talagpanubad ka sabeka te me anak din ne me lukes. 6 Ware Hari te seeye ne timpu, sikan naa ka minsan nekey re due ka eggimuwen dan ne kahiyen dan ne eleg kun iya.

7 Ne due kanakan ne egpuun te Bitlihim ne sakup te Huda. Sabeka sikandin ne Libita* Ka me Libita ka talagbulig te talagpanubad. ne migtaheed mig-ugpe diye te me kabuhalan ni Huda. 8 Sabeka ne aldew, mig-awe sikandin diye te Bitlihim ka egpamitew te duma ne inged ne egkeugpaan din. Te peggipanew rin, nakabaye sikandin diye te baley ni Mikiyas diye te bubungan te Ipraim. 9 Ne mig-insaan sikandin ni Mikiyas, “Hendei ka migpuun?”

Ne migtabak sikandin, “Diya a migpuun te Bitlihim ne sakup te Huda, wey Libita a. Egpamitew a te inged ne eg-ugpaan ku.”

10 Ne ingkahiyan sikandin ni Mikiyas, “Lemung kad keddi. Eggimuwen ku sikeykew ne talagpanubad wey talagtambag† Te Hibruwanen: amey. ku. Ne tagse leg‑un, egbehayan ku sikeykew te sapulu ne pelata, me kumbale, wey egkakeen.” 11 Ne nabennalan ka kanakan ne Libita ne eglemung kandin wey in-isip din seini ne iling te anak din. 12 Ne inggimu sikandin ni Mikiyas ne talagpanubad wey impeugpe din te baley rin. 13 Ne migkahi si Mikiyas, “Nakataha a kuntee ne ka Magbebaye ne Manama egpanalangin keddi, su ka talagpanubad ku, Libita ma.”