4
Ka peg-ampu te timpu te marusilem
Ka ulahingen ni Dabid te pangulu te mangngulahing ne egbalesen te intagpesan ne me instrumintu.
1 Tabaka a nikeykew, he Magbebaye ne Manama ne talagpangabang ku,
ke egpangumew a keykew!
Imbulihan a nikeykew te timpu te keyirapan.
Keyid‑u ka keddi wey pammineha nu ka peg-ampu ku.
2 He keet-etawan, hendei taman ka pegpeyilew niyu keddi?
Hendei taman ka peggeyinawa niyu te me lalag ne ware karuan,
wey peg-ikul te ubat?* Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.
3 Piru tantanuri niyu ne inlein te Magbebaye ka matareng para kandin.
Egpammineg sikandin ke eg-umew a kandin.
4 ✡ Ipi 4:26.Emun ke egkabelu kew,
bantayi niyu ne kene kew egpakasale.
Ke diye ka te hibatanan nu, peeneng-eneng ka,
wey ug-ugsiya nu ka pusung nu.
5 Panubad ka te eleg ne igpanubad,
wey salig ka te Magbebaye.
6 Masulug ka mig-ampu ne migkahi,
“Egkaangken ney perem ka timul ne panalangin.
Keyid‑u ka ubag kanami, he Magbebaye ne Manama.”
7 Dakel ka kahalaan ne imbehey nu keddiey
du te me etew ne matubung te egkakeen wey te iyam ne eg-inumen. 8 Eggibat a wey eglipereng ne due keupianan,
tenged su sikeykew re, he Magbebaye ne Manama, ka migbantey keddiey.
*4:2 Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.