20
Ka pegpangananey eyew egpanalu
Ka ulahingen ni Dabid para te pangulu te mangngulahing.
1 Meupiya perem ne egtabaken te Magbebaye ne Manama ka pegpangananey nu te keyirapan nu.
Meupiya perem ne egpangabangan ka te Manama ni Hakub.
2 Meupiya perem ne egbulihan ka nikandin puun te timplu
wey egbulihan ka nikandin puun te Hirusalim.* Te Hibruwanen: Siyun. Sabeka seini te me ngaran e ngaran te Hirusalim.
3 Meupiya perem ke egkasuman-suman din ka langun ne impanubad nu,
wey egdawaten din perem ka impanubad nu ne intutung.† Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.
4 Meupiya perem ke igbehey rin ka igkeupii te pusung nu,
wey egkatuman ka langun ne implanu nu.
5 Egmanguleyi key ka egkahale-gale ke egpanalu ka,
wey egkayawen ney ka me bendila ney te egdayan te Manama.
Igbehey perem te Manama ka langun ne egbuyuen nu.
6 Kuntee natuenan kud ne layun egluwasen te Magbebaye ka in-alam din ne Hari.
Layun egtabaken te Manama ka peg-ampu din diye te matulus ne langit.
Layun egkakita ka karesen‡ Te Hibruwanen: kawanan ne belad. din te pegluwas din kandin.
7 Ka duma ne etew, migsalig te me karwahi, ka duma, migsalig te me kudde.
Piru sikanami, migsalig key mule te Magbebaye ne Manama ney.
8 Egkareetan sikandan wey egkahule.
Piru egpanalu key mule wey egsasindeg ne malig‑en.
9 He Magbebaye ne Manama, luwasa nu ka in-alam nu ne Hari,
wey tabaka key ke egpangananey key keykew.