21
Ka pegdayan tenged te kapanaluwan
Ka ulahingen ni Dabid para te pangulu te mangngulahing.
1 He Magbebaye, egkahale-gale ka Hari ne in-alam nu,
uya Manama su imbehayan nu sikandin te keseg.
Amana iya sikandin egkahale-gale,
uya su impepanalu nu sikandin.
2 Imbehey nu kandin ka igkeupii te pusung din,
wey ware ka nannuhun ne egbehey te egbuyuen din.* Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.
3 Insahipe nu sikandin wey impanalanginan te dakel,
wey ingkurunaan nu sikandin te neelin ne bulawan.
4 Migbuyu sikandin keykew ne egpasumpul te umul rin,
wey imbehayan nu sikandin te malayat ne umul.
5 Migmabantug amana sikandin tenged su impepanalu nu ma,
inggimu nu sikandin ne maresen wey imbehayan te katelesan.
6 Imbehayan nu sikandin te kene egkataman ne panalangin,
wey impahale nu sikandin pinaahi te pegduma nu layun kandin.
7 Su migsalig sikandin keykew Magbebaye ne Manama,
wey migmaresen sikandin tenged te geyinawa nu ne kene egkabalbalawan, Amana ne Mabantug ne Manama.
8 Egkarakep nu ka langun ne me kuntere nu.
Maresen† Te Hibruwanen: kawanan ne belad. ka wey egdereetan nu ka eg-ehet keykew.
9 Emun ke eglepew kad e ka egdereet kandan,
egtutungen nu sikandan iling te hapuy ne egtemehan.
Egguleen nu sikandan tenged te langet nu,
wey egkatutung sikandan te hapuy ne egpuun keykew.
10 Ware egkasame ne me kabuhalan dan kayi te kalibutan,
eg-aminen nu te eggimatey sikandan langun.
11 Minsan migbebentaan sikandan ne egdereet keykew,
piru kene egkabaluy ka mareet ne planu ran keykew.
12 Su egguntelas sikandan ke egpakakita keykew,
te egbengat te pane ne igtumbuk kandan.
13 Egdayanen ka Magbebaye tenged su manekal ka.
Eg-ulahing key Manama wey egdayan tenged su maresen ka.