47
Ka Manama ka Hari te intiru ne kalibutan
Ka ulahingen* Te Hibruwanen: “maskil”, ngaran buwa seini te klasi te ulahingen. te me kabuhalan ni Kura para te pangulu te mangngulahing.
1 Palakpak kew langun se keet-etawan.
Panguleyi kew te kahalaan diye te Manama.
2 Eleg iya ne egtahuren ka Magbebaye, ka Amana ne Maresen ne Manama.
Sikandin ka maresen ne Hari te intiru ne kalibutan.
3 Impariralem din kanta ka duma ne me etew,
wey impasakup din kanta ka mahinged te duma ne me nasud.
4 In-alam din ka tane ne imbehey rin kanta,
ka tane ne igpakapeggasal ni Hakub ne indakelan din te geyinawa.† Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.
5 Te sasangan ne egpamaneyik ka Magbebaye diye te trunu rin,
egkalihet degma ka me etew ne egpanguleyi wey egparahing te trumpita.
6 Ulahing kew te pegdayan te Manama.
Dayana niyu ka Manama.
Ulahing kew te pegdayan te Hari ta.
Sayaa niyu ka Manama.
7 Su iyan Hari ka Manama te intiru ne inged.
Dayana niyu sikandin te me ulahingen.
8 Eghari ka Manama te langun ne me nasud.
Migpinpinnuu sikandin te kandin ne trunu.
9 Miglibulung ka me pangulu te me nasud wey ka keet-etawan te Manama ni Hakub.
Su due katenged te Manama ne egmandu te langun ne me pangulu te inged.
Likes sikandin ne egpatamtamanan egdayana.