84
Eg-iman-iman a te baley te Manama
Ka ulahingen te me kabuhalan ni Kura para te pangulu te mangngulahing ne egbalesen te intagpesan ne instrumintu.* Te Hibruwanen: “Gitit” ne instrumintu wey ke laheng naa.
1 Amana ne mateles ka ugpaan nu,
he Amana ne Maresen ne Magbebaye.
2 Eg-iman-iman ka pusung ku wey egkabigtawan ad,
ka egkeeyaman te derakel ne me sinabeng te Magbebaye.
Eg-ul-ulahing ka pusung ku wey ka geyinawa† Te Hibruwanen: sapu. ku,
ka egkahale-gale te manekal ne Manama.
3 Minsan ka it-it migsesalag, wey ka me kaluhey-luhey due eg-ugpaan dan, eyew egkatahuan dan te me pispis dan diye te marani te altar ne tutunganan te igpanubad.
He Amana ne Maresen ne Magbebaye, Hari ku wey Manama ku.
4 Keupianan te seeye se diye mig-ugpe te baley nu,
ne layun eg-ulahing ka egsaye keykew.‡ Te Hibruwanen, duen pad sumpul ne “sila”, ne palinneu buwa te seeye se eg-ulahing ne keilangan ne egsanggel.
5 Keupianan te seeye se etew ne diye egpuun te keykew se kanekal,
wey egkeupian ne eggendiye te Bubungan ne Siyun.§ Sakup te Hirusalim ka Bubungan ne Siyun.
6 Te peglihad dan te Napu te Baka,
inggimuwan dan e seini te me sebseb.
Miglelanew e puun te uran ne mig-uran te kene pad ne timpu te peg-uran.
7 Egparahas-dahas sikandan ka eggipanew ne kene egkabeley,
wey migginguma sikandan diye te Bubungan te Siyun te tangkaan te Manama.
8 He Magbebaye ne Amana ne Maresen ne Manama,
pammineha nu ka peg-ampu ku.
Pammineg ka te iglalag ku Manama ni Hakub.
9 He Manama, upiani nu ka Hari ney ne iyan egpangabang kanami,
wey ka in-alam nu ne egpangulu kanami.
10 Su meupiya pad ka eg-ugpe diye te baley nu te senge ka aldew,
du te eg-ugpe te minsan hendei te egkaluhey-luhey.* Te Hibruwanen: sabeka ne libu ne aldew.
Meupiya pad ke talagtameng a te gumawan te baley te Manama ku,
du te eg-ugpe diye te me baley te me etew ne mareet se hinimuwan.
11 Su ka Magbebaye egpekeiling te aldew wey te kalasag,
wey egpangabang ka Manama wey egpabantug te minsan hentew.
Kene sikandin egkannuhun ne egbehey te meupiya,
te minsan hentew ne meupiya se eggimuwen.
12 Amana ne Maresen ne Magbebaye,
keupianan iya te seeye se egsalig keykew.