110
Ka Manama wey ka in-alam din ne Hari
Ka ulahingen ni Dabid.
1 Seini ka inlalag te Magbebaye te ahalen ku,
“Pinnuu ka kayi te igkakawanan* Sumale te batasan te me Hudiyu, ka talahuren de ne etew ka egpakapinnuu diye te igkakawanan te mabantug ne etew. ku,
taman te eggimuwen kud ka me kuntere nu ne me uripen† Te Hibruwanen: egkeyimu ne diekanan nu. nu.”
2 Egpaharien ka te Mabebaye puun te Hirusalim peendiye te duma ne me inged,
wey eghari ka te me kuntere nu.
3 Emun ke egpakiggira kad te me kuntere nu,
eg-uney-uney re due egbulig keykew ka keet-etawan nu.
Ka me kanakan wey me mengebay egbulig keykew,‡ Kene ne klaru ka igpasabut te Hibruwanen ne “puun te aanakan te kaseleman.”
iling te demmug te kaseleman.§ Kene ne klaru ka igpasabut te Hibruwanen ne “demmug te kabatei nu, keykew iya ka kamuney.”
4 Migpahunlibet ka Magbebaye ne kene din egbalbalawan ka insaad din,
ne egkeyimu ka ne talagpanubad te ware egtamanan iling te talagpanubad ne si Milkisidik.
5 Egpangabangan* Te Hibruwanen: due te igkakawan. ka layun te Magbebaye ne Manama,
egguleen din ka me Hari te timpu ne igpapitew rin e ka kandin ne langet.
6 Eglegparan din ka me mahinged te me nasud,
egpekeempet de iya ka minatey te minsan hendei,
wey egguleen din ka me pangulu te intiru ne kalibutan.
7 Eg-inum sikandin diye te beuhan diye te deralanen,
purisu egpanalu iya sikandin.† Te Hibruwanen: igtenggak din ka ulu rin.
*110:1 Sumale te batasan te me Hudiyu, ka talahuren de ne etew ka egpakapinnuu diye te igkakawanan te mabantug ne etew.
†110:1 Te Hibruwanen: egkeyimu ne diekanan nu.
‡110:3 Kene ne klaru ka igpasabut te Hibruwanen ne “puun te aanakan te kaseleman.”
§110:3 Kene ne klaru ka igpasabut te Hibruwanen ne “demmug te kabatei nu, keykew iya ka kamuney.”
*110:5 Te Hibruwanen: due te igkakawan.
†110:7 Te Hibruwanen: igtenggak din ka ulu rin.