120
Ka peg-ampu eyew egpangananey te Manama
Ka ulahingen te pegpatakereg diye te Hirusalim.
1 Te egkabaybayaran ad, migpangananey a te Magbebaye,
ne intabak a nikandin.
2 Magbebaye, pangabangi a nikeykew,
puun te me etew ne ubaten wey limbungen.
3 Sikaniyu se me limbungen,
egmenuwen kew naan de iya?
Nekey buwad iya ka igdusa kaniyu?
4 Egdusaan kew nikandin te mahalang ne pane te bahani,
wey insayab ka sait te baha ne egkalegleg.
5 Mekeyid‑u-hid‑u e naan de iya ka mig-ugpe diye te Misik,
wey miglemung te me mahinged te Kidar.
6 Naluhey ad e ne mig-uugpe wey miglemung
te me etew ne layun egkeupian te samuk.
7 Egkeupian a te ware samuk.
Piru ke igguhud kud seini,
nasi de iya sikandan egkeupian ne egpakiggira.