150
Dayana niyu ka Magbebaye
1 Dayana niyu ka Magbebaye!
Deyraya niyu ka Manama due te timplu rin!
Dayana niyu ka karesen din due te langit!
2 Dayana niyu sikandin tenged te me kein-inuwan ne me himu rin;
deyraya niyu sikandin tenged te dakel ne karesen din!
3 Dayana niyu sikandin te dahing te trumpita;
deyraya niyu sikandin te lagtingen te alpa wey lira.
4 Dayana niyu sikandin te tamburin wey pegsayew.
Deyraya niyu sikandin te me alpa wey me pulendag.
5 Dayana niyu sikandin te egbasalen ne me putew,
te marahing ne me putew ne basalan.
6 Dayana niyu ka Magbebaye, sikaniyu se langun ne eggeheyinawa!
Dayana niyu ka Magbebaye ne Manama!