Dan 3

1 נְבוּכַדְנֶצַּ֣ר מַלְכָּ֗/א עֲבַד֙ צְלֵ֣ם דִּֽי־דְהַ֔ב רוּמֵ/הּ֙ אַמִּ֣ין שִׁתִּ֔ין פְּתָיֵ֖/הּ אַמִּ֣ין שִׁ֑ת אֲקִימֵ/הּ֙ בְּ/בִקְעַ֣ת דּוּרָ֔א בִּ/מְדִינַ֖ת בָּבֶֽל׃ 2 וּ/נְבוּכַדְנֶצַּ֣ר מַלְכָּ֡/א שְׁלַ֡ח לְ/מִכְנַ֣שׁ ׀ לַֽ/אֲחַשְׁדַּרְפְּנַיָּ֡/א סִגְנַיָּ֣/א וּֽ/פַחֲוָתָ֡/א אֲדַרְגָּזְרַיָּ/א֩ גְדָ֨בְרַיָּ֤/א דְּתָבְרַיָּ/א֙ תִּפְתָּיֵ֔/א וְ/כֹ֖ל שִׁלְטֹנֵ֣י מְדִֽינָתָ֑/א לְ/מֵתֵא֙ לַ/חֲנֻכַּ֣ת צַלְמָ֔/א דִּ֥י הֲקֵ֖ים נְבוּכַדְנֶצַּ֥ר מַלְכָּֽ/א׃ 3 בֵּ/אדַ֡יִן מִֽתְכַּנְּשִׁ֡ין אֲחַשְׁדַּרְפְּנַיָּ֡/א סִגְנַיָּ֣/א וּֽ/פַחֲוָתָ֡/א אֲדַרְגָּזְרַיָּ֣/א גְדָבְרַיָּ/א֩ דְּתָ֨בְרַיָּ֜/א תִּפְתָּיֵ֗/א וְ/כֹל֙ שִׁלְטֹנֵ֣י מְדִֽינָתָ֔/א לַ/חֲנֻכַּ֣ת צַלְמָ֔/א דִּ֥י הֲקֵ֖ים נְבוּכַדְנֶצַּ֣ר מַלְכָּ֑/א ו/קאמין* לָ/קֳבֵ֣ל צַלְמָ֔/א דִּ֥י הֲקֵ֖ים נְבוּכַדְנֶצַּֽר׃ 4 וְ/כָרוֹזָ֖/א קָרֵ֣א בְ/חָ֑יִל לְ/כ֤וֹן אָֽמְרִין֙ עַֽמְמַיָּ֔/א אֻמַּיָּ֖/א וְ/לִשָּׁנַיָּֽ/א׃ 5 בְּ/עִדָּנָ֡/א דִּֽי־תִשְׁמְע֡וּן קָ֣ל קַרְנָ֣/א מַ֠שְׁרוֹקִיתָ/א קיתרוס† סַבְּכָ֤א פְּסַנְתֵּרִין֙ סוּמְפֹּ֣נְיָ֔ה וְ/כֹ֖ל זְנֵ֣י זְמָרָ֑/א תִּפְּל֤וּן וְ/תִסְגְּדוּן֙ לְ/צֶ֣לֶם דַּהֲבָ֔/א דִּ֥י הֲקֵ֖ים נְבוּכַדְנֶצַּ֥ר מַלְכָּֽ/א׃ 6 וּ/מַן־דִּי־לָ֥א יִפֵּ֖ל וְ/יִסְגֻּ֑ד בַּ/הּ־שַׁעֲתָ֣/א יִתְרְמֵ֔א לְ/גֽוֹא־אַתּ֥וּן נוּרָ֖/א יָקִֽדְתָּֽ/א׃ 7 כָּ/ל־קֳבֵ֣ל דְּנָ֡ה בֵּ/הּ־זִמְנָ֡/א כְּ/דִ֣י שָֽׁמְעִ֣ין כָּֽל־עַמְמַיָּ֡/א קָ֣ל קַרְנָ/א֩ מַשְׁר֨וֹקִיתָ֜/א קיתרס‡ שַׂבְּכָא֙ פְּסַנְטֵרִ֔ין וְ/כֹ֖ל זְנֵ֣י זְמָרָ֑/א נָֽפְלִ֨ין כָּֽל־עַֽמְמַיָּ֜/א אֻמַיָּ֣/א וְ/לִשָּׁנַיָּ֗/א סָֽגְדִין֙ לְ/צֶ֣לֶם דַּהֲבָ֔/א דִּ֥י הֲקֵ֖ים נְבוּכַדְנֶצַּ֥ר מַלְכָּֽ/א׃ 8 כָּ/ל־קֳבֵ֤ל דְּנָה֙ בֵּ/הּ־זִמְנָ֔/א קְרִ֖בוּ גֻּבְרִ֣ין כַּשְׂדָּאִ֑ין וַ/אֲכַ֥לוּ קַרְצֵי/ה֖וֹן דִּ֥י יְהוּדָיֵֽ/א׃ 9 עֲנוֹ֙ וְ/אָ֣מְרִ֔ין לִ/נְבוּכַדְנֶצַּ֖ר מַלְכָּ֑/א מַלְכָּ֖/א לְ/עָלְמִ֥ין חֱיִֽי׃ 10 אנתה§ מַלְכָּ/א֮ שָׂ֣מְתָּ טְּעֵם֒ דִּ֣י כָל־אֱנָ֡שׁ דִּֽי־יִשְׁמַ֡ע קָ֣ל קַרְנָ֣/א מַ֠שְׁרֹקִיתָ/א קיתרס* שַׂבְּכָ֤א פְסַנְתֵּרִין֙ ו/סיפניה† וְ/כֹ֖ל זְנֵ֣י זְמָרָ֑/א יִפֵּ֥ל וְ/יִסְגֻּ֖ד לְ/צֶ֥לֶם דַּהֲבָֽ/א׃ 11 וּ/מַן־דִּי־לָ֥א יִפֵּ֖ל וְ/יִסְגֻּ֑ד יִתְרְמֵ֕א לְ/גֽוֹא־אַתּ֥וּן נוּרָ֖/א יָקִֽדְתָּֽ/א׃ 12 אִיתַ֞י גֻּבְרִ֣ין יְהוּדָאיִ֗ן דִּֽי־מַנִּ֤יתָ יָתְ/הוֹן֙ עַל־עֲבִידַת֙ מְדִינַ֣ת בָּבֶ֔ל שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ גֻּבְרַיָּ֣/א אִלֵּ֗ךְ לָא־שָׂ֨מֽוּ עלי/ך‡ מַלְכָּ/א֙ טְעֵ֔ם ל/אלהי/ך§ לָ֣א פָלְחִ֔ין וּ/לְ/צֶ֧לֶם דַּהֲבָ֛/א דִּ֥י הֲקֵ֖ימְתָּ לָ֥א סָגְדִֽין׃ ס 13 בֵּ/אדַ֤יִן נְבוּכַדְנֶצַּר֙ בִּ/רְגַ֣ז וַ/חֲמָ֔ה אֲמַר֙ לְ/הַיְתָיָ֔ה לְ/שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ בֵּ/אדַ֨יִן֙ גֻּבְרַיָּ֣/א אִלֵּ֔ךְ הֵיתָ֖יוּ קֳדָ֥ם מַלְכָּֽ/א׃ 14 עָנֵ֤ה נְבֻֽכַדְנֶצַּר֙ וְ/אָמַ֣ר לְ/ה֔וֹן הַ/צְדָּ֕א שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ לֵֽ/אלָהַ֗/י לָ֤א אִֽיתֵי/כוֹן֙ פָּֽלְחִ֔ין וּ/לְ/צֶ֧לֶם דַּהֲבָ֛/א דִּ֥י הֲקֵ֖ימֶת לָ֥א סָֽגְדִֽין׃ 15 כְּעַ֞ן הֵ֧ן אִֽיתֵי/כ֣וֹן עֲתִידִ֗ין דִּ֣י בְ/עִדָּנָ֡/א דִּֽי־תִשְׁמְע֡וּן קָ֣ל קַרְנָ֣/א מַשְׁרוֹקִיתָ֣/א קיתרס* y שַׂבְּכָ֡א פְּסַנְתֵּרִין֩ וְ/סוּמְפֹּ֨נְיָ֜ה וְ/כֹ֣ל ׀ זְנֵ֣י זְמָרָ֗/א תִּפְּל֣וּן וְ/תִסְגְּדוּן֮ לְ/צַלְמָ֣/א דִֽי־עַבְדֵת֒ וְ/הֵן֙ לָ֣א תִסְגְּד֔וּן בַּ/הּ־שַׁעֲתָ֣/ה תִתְרְמ֔וֹן לְ/גֽוֹא־אַתּ֥וּן נוּרָ֖/א יָקִֽדְתָּ֑/א וּ/מַן־ה֣וּא אֱלָ֔הּ דֵּ֥י 1 יְשֵֽׁיזְבִנְ/כ֖וֹן מִן־יְדָֽ/י׃ 16 עֲנ֗וֹ שַׁדְרַ֤ךְ מֵישַׁךְ֙ וַ/עֲבֵ֣ד נְג֔וֹ וְ/אָמְרִ֖ין לְ/מַלְכָּ֑/א נְבֽוּכַדְנֶצַּ֔ר לָֽא־חַשְׁחִ֨ין אֲנַ֧חְנָה עַל־דְּנָ֛ה פִּתְגָ֖ם לַ/הֲתָבוּתָֽ/ךְ׃ 17 הֵ֣ן אִיתַ֗י אֱלָהַ֨/נָא֙ דִּֽי־אֲנַ֣חְנָא פָֽלְחִ֔ין יָכִ֖ל לְ/שֵׁיזָבוּתַ֑/נָא מִן־אַתּ֨וּן נוּרָ֧/א יָקִֽדְתָּ֛/א וּ/מִן־יְדָ֥/ךְ מַלְכָּ֖/א יְשֵׁיזִֽב׃ 18 וְ/הֵ֣ן לָ֔א יְדִ֥יעַ לֶהֱוֵא־לָ֖/ךְ מַלְכָּ֑/א דִּ֤י ל/אלהי/ך† q לָא־איתי/נא‡ פָֽלְחִ֔ין וּ/לְ/צֶ֧לֶם דַּהֲבָ֛/א דִּ֥י הֲקֵ֖ימְתָּ לָ֥א נִסְגֻּֽד׃ ס 19 בֵּ/אדַ֨יִן נְבוּכַדְנֶצַּ֜ר הִתְמְלִ֣י חֱמָ֗א וּ/צְלֵ֤ם אַנְפּ֨וֹ/הִי֙ אשתנו§ עַל־שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ עָנֵ֤ה וְ/אָמַר֙ לְ/מֵזֵ֣א לְ/אַתּוּנָ֔/א חַ֨ד־שִׁבְעָ֔ה עַ֛ל דִּ֥י חֲזֵ֖ה לְ/מֵזְיֵֽ/הּ׃ 20 וּ/לְ/גֻבְרִ֤ין גִּבָּֽרֵי־חַ֨יִל֙ דִּ֣י בְ/חַיְלֵ֔/הּ אֲמַר֙ לְ/כַפָּתָ֔ה לְ/שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ לְ/מִרְמֵ֕א לְ/אַתּ֥וּן נוּרָ֖/א יָקִֽדְתָּֽ/א׃ 21 בֵּ/אדַ֜יִן גֻּבְרַיָּ֣/א אִלֵּ֗ךְ כְּפִ֨תוּ֙ בְּ/סַרְבָּלֵי/הוֹן֙ פטישי/הון* y וְ/כַרְבְּלָתְ/ה֖וֹן וּ/לְבֻשֵׁי/ה֑וֹן וּ/רְמִ֕יו לְ/גֽוֹא־אַתּ֥וּן נוּרָ֖/א יָקִֽדְתָּֽ/א׃ 22 כָּ/ל־קֳבֵ֣ל דְּנָ֗ה מִן־דִּ֞י מִלַּ֤ת מַלְכָּ/א֙ מַחְצְפָ֔ה וְ/אַתּוּנָ֖/א אֵזֵ֣ה יַתִּ֑ירָא גֻּבְרַיָּ֣/א אִלֵּ֗ךְ דִּ֤י הַסִּ֨קוּ֙ לְ/שַׁדְרַ֤ךְ מֵישַׁךְ֙ וַ/עֲבֵ֣ד נְג֔וֹ קַטִּ֣ל הִמּ֔וֹן שְׁבִיבָ֖/א דִּ֥י נוּרָֽ/א׃ 23 וְ/גֻבְרַיָּ֤/א אִלֵּךְ֙ תְּלָ֣תֵּ/ה֔וֹן שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ נְפַ֛לוּ לְ/גֽוֹא־אַתּוּן־נוּרָ֥/א יָֽקִדְתָּ֖/א מְכַפְּתִֽין׃ פ 24 אֱדַ֨יִן֙ נְבוּכַדְנֶצַּ֣ר מַלְכָּ֔/א תְּוַ֖הּ וְ/קָ֣ם בְּ/הִתְבְּהָלָ֑ה עָנֵ֨ה וְ/אָמַ֜ר לְ/הַדָּֽבְר֗וֹ/הִי הֲ/לָא֩ גֻבְרִ֨ין תְּלָתָ֜א רְמֵ֤ינָא לְ/גוֹא־נוּרָ/א֙ מְכַפְּתִ֔ין עָנַ֤יִן וְ/אָמְרִין֙ לְ/מַלְכָּ֔/א יַצִּיבָ֖א מַלְכָּֽ/א׃ 25 עָנֵ֣ה וְ/אָמַ֗ר הָֽא־אֲנָ֨ה חָזֵ֜ה גֻּבְרִ֣ין אַרְבְּעָ֗ה שְׁרַ֨יִן֙ מַהְלְכִ֣ין בְּ/גֽוֹא־נוּרָ֔/א וַ/חֲבָ֖ל לָא־אִיתַ֣י בְּ/ה֑וֹן וְ/רֵוֵ/הּ֙ דִּ֣י רביעי/א† דָּמֵ֖ה לְ/בַר־אֱלָהִֽין׃ ס 26 בֵּ/אדַ֜יִן קְרֵ֣ב נְבוּכַדְנֶצַּ֗ר לִ/תְרַע֮ אַתּ֣וּן נוּרָ֣/א יָקִֽדְתָּ/א֒ עָנֵ֣ה וְ/אָמַ֗ר שַׁדְרַ֨ךְ מֵישַׁ֧ךְ וַ/עֲבֵד־נְג֛וֹ עַבְד֛וֹ/הִי דִּֽי־אֱלָהָ֥/א עלי/א‡ פֻּ֣קוּ וֶ/אֱת֑וֹ בֵּ/אדַ֣יִן נָֽפְקִ֗ין שַׁדְרַ֥ךְ מֵישַׁ֛ךְ וַ/עֲבֵ֥ד נְג֖וֹ מִן־גּ֥וֹא נוּרָֽ/א׃ 27 וּ֠/מִֽתְכַּנְּשִׁין אֲחַשְׁדַּרְפְּנַיָּ֞/א סִגְנַיָּ֣/א וּ/פַחֲוָתָ/א֮ וְ/הַדָּבְרֵ֣י מַלְכָּ/א֒ חָזַ֣יִן לְ/גֻבְרַיָּ֣/א אִלֵּ֡ךְ דִּי֩ לָֽא־שְׁלֵ֨ט נוּרָ֜/א בְּ/גֶשְׁמְ/ה֗וֹן וּ/שְׂעַ֤ר רֵֽאשְׁ/הוֹן֙ לָ֣א הִתְחָרַ֔ךְ וְ/סָרְבָּלֵי/ה֖וֹן לָ֣א שְׁנ֑וֹ וְ/רֵ֣יחַ נ֔וּר לָ֥א עֲדָ֖ת בְּ/הֽוֹן׃ 28 עָנֵ֨ה נְבֽוּכַדְנֶצַּ֜ר וְ/אָמַ֗ר בְּרִ֤יךְ אֱלָהֲ/הוֹן֙ דִּֽי־שַׁדְרַ֤ךְ מֵישַׁךְ֙ וַ/עֲבֵ֣ד נְג֔וֹ דִּֽי־שְׁלַ֤ח מַלְאֲכֵ/הּ֙ וְ/שֵׁיזִ֣ב לְ/עַבְד֔וֹ/הִי דִּ֥י הִתְרְחִ֖צוּ עֲל֑וֹ/הִי וּ/מִלַּ֤ת מַלְכָּ/א֙ שַׁנִּ֔יו וִ/יהַ֣בוּ גשמי/הון§ y דִּ֠י לָֽא־יִפְלְח֤וּן וְ/לָֽא־יִסְגְּדוּן֙ לְ/כָל־אֱלָ֔הּ לָהֵ֖ן לֵ/אלָֽהֲ/הֽוֹן׃ 29 וּ/מִ/נִּי֮ שִׂ֣ים טְעֵם֒ דִּי֩ כָל־עַ֨ם אֻמָּ֜ה וְ/לִשָּׁ֗ן דִּֽי־יֵאמַ֤ר שלה* עַ֣ל אֱלָהֲ/ה֗וֹן דִּֽי־שַׁדְרַ֤ךְ מֵישַׁךְ֙ וַ/עֲבֵ֣ד נְג֔וֹא הַדָּמִ֣ין יִתְעֲבֵ֔ד וּ/בַיְתֵ֖/הּ נְוָלִ֣י יִשְׁתַּוֵּ֑ה כָּ/ל־קֳבֵ֗ל דִּ֣י לָ֤א אִיתַי֙ אֱלָ֣ה אָחֳרָ֔ן דִּֽי־יִכֻּ֥ל לְ/הַצָּלָ֖ה כִּ/דְנָֽה׃ 30 בֵּ/אדַ֣יִן מַלְכָּ֗/א הַצְלַ֛ח לְ/שַׁדְרַ֥ךְ מֵישַׁ֛ךְ וַ/עֲבֵ֥ד נְג֖וֹ בִּ/מְדִינַ֥ת בָּבֶֽל׃ פ 31 † נְבוּכַדְנֶצַּ֣ר מַלְכָּ֗/א לְֽ/כָל־עַֽמְמַיָּ֞/א אֻמַיָּ֧/א וְ/לִשָּׁנַיָּ֛/א דִּֽי־דארין‡ בְּ/כָל־אַרְעָ֖/א שְׁלָמְ/כ֥וֹן יִשְׂגֵּֽא׃ 32 § אָֽתַיָּ/א֙ וְ/תִמְהַיָּ֔/א דִּ֚י עֲבַ֣ד עִמִּ֔/י אֱלָהָ֖/א עלי/א* שְׁפַ֥ר קָֽדָמַ֖/י לְ/הַחֲוָיָֽה׃ 33 † אָת֨וֹ/הִי֙ כְּ/מָ֣ה רַבְרְבִ֔ין וְ/תִמְה֖וֹ/הִי כְּ/מָ֣ה תַקִּיפִ֑ין מַלְכוּתֵ/הּ֙ מַלְכ֣וּת עָלַ֔ם וְ/שָׁלְטָנֵ֖/הּ עִם־דָּ֥ר וְ/דָֽר׃

* 3:3 ו/קאמיןוְ/קָֽיְמִין֙ † 3:5 קיתרוסקַתְר֨וֹס ‡ 3:7 קיתרסקַתְר֤וֹס § 3:10 אנתהאַ֣נְתְּ * 3:10 קיתרסקַתְר֨וֹס † 3:10 ו/סיפניהוְ/סוּפֹּ֣נְיָ֔ה ‡ 3:12 עלי/ךעֲלָ֤/ךְ § 3:12 ל/אלהי/ךלֵֽ/אלָהָ/ךְ֙ * 3:15 קיתרסקַתְר֣וֹס y 3:15 Yathir readings in L which we have designated as Qeres when both Dothan and BHS list a Qere. 1 3:15 BHS has been faithful to the Leningrad Codex where there might be a question of the validity of the form and we keep the same form as BHS. † 3:18 ל/אלהי/ךלֵֽ/אלָהָ/ךְ֙ q 3:18 We have abandoned or added a ketib/qere relative to BHS. In doing this we agree with L against BHS. ‡ 3:18 איתי/נאאִיתַ֣/נָא § 3:19 אשתנואֶשְׁתַּנִּ֔י * 3:21 פטישי/הוןפַּטְּשֵׁי/ה֔וֹן y 3:21 Yathir readings in L which we have designated as Qeres when both Dothan and BHS list a Qere. † 3:25 רביעי/ארְֽבִיעָ/אָ֔ה ‡ 3:26 עלי/אעִלָּאָ֖/ה § 3:28 גשמי/הוןגֶשְׁמְ/ה֗וֹן y 3:28 Yathir readings in L which we have designated as Qeres when both Dothan and BHS list a Qere. * 3:29 שלהשָׁלוּ֙ † 3:31 KJV:Dan.4.1 ‡ 3:31 דאריןדָיְרִ֥ין § 3:32 KJV:Dan.4.2 * 3:32 עלי/אעִלָּאָ֑/ה † 3:33 KJV:Dan.4.3