Psa 4

1 לַ/מְנַצֵּ֥חַ בִּ/נְגִינ֗וֹת מִזְמ֥וֹר לְ/דָוִֽד׃ 2 * בְּ/קָרְאִ֡/י עֲנֵ֤/נִי ׀ אֱלֹ֘הֵ֤י צִדְקִ֗/י בַּ֭/צָּר הִרְחַ֣בְתָּ לִּ֑/י חָ֝נֵּ֗/נִי וּ/שְׁמַ֥ע תְּפִלָּתִֽ/י׃ 3 † בְּנֵ֥י אִ֡ישׁ עַד־מֶ֬ה כְבוֹדִ֣/י לִ֭/כְלִמָּה תֶּאֱהָב֣וּ/ן רִ֑יק תְּבַקְשׁ֖וּ כָזָ֣ב סֶֽלָה׃ 4 ‡ וּ/דְע֗וּ כִּֽי־הִפְלָ֣ה יְ֭הוָה חָסִ֣יד ל֑/וֹ יְהוָ֥ה יִ֝שְׁמַ֗ע בְּ/קָרְאִ֥/י אֵלָֽי/ו׃ 5 § רִגְז֗וּ וְֽ/אַל־תֶּ֫חֱטָ֥אוּ אִמְר֣וּ בִ֭/לְבַבְ/כֶם עַֽל־מִשְׁכַּבְ/כֶ֗ם וְ/דֹ֣מּוּ סֶֽלָה׃ 6 * זִבְח֥וּ זִבְחֵי־צֶ֑דֶק וּ֝/בִטְח֗וּ אֶל־יְהוָֽה׃ 7 † רַבִּ֥ים אֹמְרִים֮ מִֽי־יַרְאֵ֪/נ֫וּ c ט֥וֹב נְֽסָ/ה־עָ֭לֵי/נוּ א֨וֹר פָּנֶ֬י/ךָ יְהוָֽה׃ 8 ‡ נָתַ֣תָּה שִׂמְחָ֣ה בְ/לִבִּ֑/י מֵ/עֵ֬ת דְּגָנָ֖/ם וְ/תִֽירוֹשָׁ֣/ם רָֽבּוּ׃ 9 § בְּ/שָׁל֣וֹם יַחְדָּו֮ אֶשְׁכְּבָ֪ה וְ/אִ֫ישָׁ֥ן כִּֽי־אַתָּ֣ה יְהוָ֣ה לְ/בָדָ֑ד לָ֝/בֶ֗טַח תּוֹשִׁיבֵֽ/נִי׃

* 4:2 KJV:Ps.4.1 † 4:3 KJV:Ps.4.2 ‡ 4:4 KJV:Ps.4.3 § 4:5 KJV:Ps.4.4 * 4:6 KJV:Ps.4.5 † 4:7 KJV:Ps.4.6 c 4:7 We read one or more accents in L differently than BHS. Often this notation indicates a typographical error in BHS. ‡ 4:8 KJV:Ps.4.7 § 4:9 KJV:Ps.4.8