Psa 5

1 לַ/מְנַצֵּ֥חַ אֶֽל־הַ/נְּחִיל֗וֹת מִזְמ֥וֹר לְ/דָוִֽד׃ 2 * אֲמָרַ֖/י הַאֲזִ֥ינָ/ה ׀ יְהוָ֗ה בִּ֣ינָ/ה הֲגִֽיגִ/י׃ 3 † הַקְשִׁ֤יבָ/ה ׀ לְ/ק֬וֹל שַׁוְעִ֗/י מַלְכִּ֥/י וֵ/אלֹהָ֑/י כִּֽי־אֵ֝לֶ֗י/ךָ אֶתְפַּלָּֽל׃ 4 ‡ יְֽהוָ֗ה בֹּ֭קֶר c תִּשְׁמַ֣ע קוֹלִ֑/י בֹּ֥קֶר אֶֽעֱרָךְ־לְ֝/ךָ֗ וַ/אֲצַפֶּֽה׃ 5 § כִּ֤י ׀ לֹ֤א אֵֽל־חָפֵ֘ץ רֶ֥שַׁע ׀ אָ֑תָּה לֹ֖א יְגֻרְ/ךָ֣ רָֽע׃ 6 * לֹֽא־יִתְיַצְּב֣וּ הֽ֭וֹלְלִים לְ/נֶ֣גֶד עֵינֶ֑י/ךָ שָׂ֝נֵ֗אתָ כָּל־פֹּ֥עֲלֵי אָֽוֶן׃ 7 † תְּאַבֵּד֮ דֹּבְרֵ֪י כָ֫זָ֥ב אִישׁ־דָּמִ֥ים וּ/מִרְמָ֗ה יְתָ֘עֵ֥ב ׀ יְהוָֽה׃ 8 ‡ וַ/אֲנִ֗י בְּ/רֹ֣ב חַ֭סְדְּ/ךָ אָב֣וֹא בֵיתֶ֑/ךָ אֶשְׁתַּחֲוֶ֥ה אֶל־הֵֽיכַל־קָ֝דְשְׁ/ךָ֗ בְּ/יִרְאָתֶֽ/ךָ׃ 9 § יְהוָ֤ה ׀ נְחֵ֬/נִי בְ/צִדְקָתֶ֗/ךָ לְמַ֥עַן שׁוֹרְרָ֑/י הושר* לְ/פָנַ֣/י דַּרְכֶּֽ/ךָ׃ 10 † כִּ֤י אֵ֪ין בְּ/פִ֡י/הוּ נְכוֹנָה֮ קִרְבָּ֪/ם הַ֫וּ֥וֹת קֶֽבֶר־פָּת֥וּחַ גְּרוֹנָ֑/ם לְ֝שׁוֹנָ֗/ם יַחֲלִֽיקוּ/ן׃ 11 ‡ הַֽאֲשִׁימֵ֨/ם ׀ אֱֽלֹהִ֗ים יִפְּלוּ֮ מִֽ/מֹּעֲצ֪וֹתֵ֫י/הֶ֥ם בְּ/רֹ֣ב פִּ֭שְׁעֵי/הֶם הַדִּיחֵ֑/מוֹ כִּי־מָ֥רוּ בָֽ/ךְ׃ 12 § וְ/יִשְׂמְח֨וּ כָל־ח֪וֹסֵי בָ֡/ךְ לְ/עוֹלָ֣ם יְ֭רַנֵּנוּ וְ/תָסֵ֣ךְ עָלֵ֑י/מוֹ וְֽ/יַעְלְצ֥וּ בְ֝/ךָ֗ אֹהֲבֵ֥י שְׁמֶֽ/ךָ׃ 13 * כִּֽי־אַתָּה֮ תְּבָרֵ֪ךְ צַ֫דִּ֥יק יְהוָ֑ה כַּ֝/צִּנָּ֗ה רָצ֥וֹן תַּעְטְרֶֽ/נּוּ׃

* 5:2 KJV:Ps.5.1 † 5:3 KJV:Ps.5.2 ‡ 5:4 KJV:Ps.5.3 c 5:4 We read one or more accents in L differently than BHS. Often this notation indicates a typographical error in BHS. § 5:5 KJV:Ps.5.4 * 5:6 KJV:Ps.5.5 † 5:7 KJV:Ps.5.6 ‡ 5:8 KJV:Ps.5.7 § 5:9 KJV:Ps.5.8 * 5:9 הושרהַיְשַׁ֖ר † 5:10 KJV:Ps.5.9 ‡ 5:11 KJV:Ps.5.10 § 5:12 KJV:Ps.5.11 * 5:13 KJV:Ps.5.12