Isaiah 21 - MAM, Transliteration, with Hebrew phrasing

	ישעה 21		y'shaʿya·hu 21
	¹מַשָּׂ֖א [2] Tip'cha מִדְבַּר־יָ֑ם [1] Etnachta כְּסוּפ֤וֹת בַּנֶּ֙גֶב֙ [3 3] Pashta לַחֲלֹ֔ף [2] Zaqef מִמִּדְבָּ֣ר בָּ֔א [2] Zaqef מֵאֶ֖רֶץ [2] Tip'cha נוֹרָאָֽה׃ [1] Silluq		¹mas·sa [2] mid'bar־yam [1] k'su·fot ban·ne·gev [3 3] la·cha·lof [2] mim·mid'bar ba [2] meʾe·rets [2] no·raʾah [1]
	²חָז֥וּת קָשָׁ֖ה [2] Tip'cha הֻגַּד־לִ֑י [1] Etnachta הַבּוֹגֵ֤ד ׀ בּוֹגֵד֙ [3] Pashta וְהַשּׁוֹדֵ֣ד ׀ שׁוֹדֵ֔ד [2] Zaqef עֲלִ֤י עֵילָם֙ [3] Pashta צוּרִ֣י מָדַ֔י [2] Zaqef כׇּל־אַנְחָתָ֖הֿ [2] Tip'cha הִשְׁבַּֽתִּי׃ [1] Silluq		²cha·zut qa·shah [2] hu·gad־li [1] ha·bo·ged bo·ged [3] v'hash·sho·ded sho·ded [2] ʿa·li ʿei·lam [3] tsu·ri ma·dai [2] kol־ʾan'cha·tah [2] hish'ba·ti [1]
	³עַל־כֵּ֗ן [3] Revi'i מָלְא֤וּ מׇתְנַי֙ [3] Pashta חַלְחָלָ֔ה [2] Zaqef צִירִ֣ים אֲחָז֔וּנִי [2] Zaqef כְּצִירֵ֖י [2] Tip'cha יוֹלֵדָ֑ה [1] Etnachta נַעֲוֵ֣יתִי מִשְּׁמֹ֔עַ [2] Zaqef נִבְהַ֖לְתִּי [2] Tip'cha מֵרְאֽוֹת׃ [1] Silluq		³ʿal־ken [3] mal'ʾu mot'nai [3] chal'cha·lah [2] tsi·rim ʾa·cha·zu·ni [2] k'tsi·rei [2] yo·le·dah [1] naʿa·vei·ti mishsh'moʿa [2] niv'hal'ti [2] mer'ʾot [1]
	⁴תָּעָ֣ה לְבָבִ֔י [2] Zaqef פַּלָּצ֖וּת [2] Tip'cha בִּֽעֲתָ֑תְנִי [1] Etnachta אֵ֚ת [3] Yetiv נֶ֣שֶׁף חִשְׁקִ֔י [2] Zaqef שָׂ֥ם לִ֖י [2] Tip'cha לַחֲרָדָֽה׃ [1] Silluq		⁴taʿah l'va·vi [2] pal·la·tsut [2] biʿa·tat'ni [1] ʾet [3] ne·shef chish'qi [2] sam li [2] la·cha·ra·dah [1]
	⁵עָרֹ֧ךְ הַשֻּׁלְחָ֛ן [3] Tevir צָפֹ֥ה הַצָּפִ֖ית [2] Tip'cha אָכ֣וֹל שָׁתֹ֑ה [1] Etnachta ק֥וּמוּ הַשָּׂרִ֖ים [2] Tip'cha מִשְׁח֥וּ מָגֵֽן׃ [1] Silluq ס		⁵ʿa·rokh hash·shul'chan [3] tsa·foh hats·tsa·fit [2] ʾa·khol sha·toh [1] qu·mu has·sa·rim [2] mish'chu ma·gen [1] §
	⁶כִּ֣י כֹ֥ה אָמַ֛ר [3] Tevir אֵלַ֖י [2] Tip'cha אֲדֹנָ֑י [1] Etnachta לֵ֚ךְ [3] Yetiv הַֽעֲמֵ֣ד הַֽמְצַפֶּ֔ה [2] Zaqef אֲשֶׁ֥ר יִרְאֶ֖ה [2] Tip'cha יַגִּֽיד׃ [1] Silluq		⁶ki khoh ʾa·mar [3] ʾe·lai [2] ʾa·do·nai [1] lekh [3] haʿa·med ham'tsa·peh [2] ʾa·sher yir'ʾeh [2] ya·gid [1]
	⁷וְרָ֣אָה רֶ֗כֶב [3] Revi'i צֶ֚מֶד [3] Yetiv פָּרָשִׁ֔ים [2] Zaqef רֶ֥כֶב חֲמ֖וֹר [2] Tip'cha רֶ֣כֶב גָּמָ֑ל [1] Etnachta וְהִקְשִׁ֥יב קֶ֖שֶׁב [2] Tip'cha רַב־קָֽשֶׁב׃ [1] Silluq		⁷v'raʾah re·khev [3] tse·med [3] pa·ra·shim [2] re·khev cha·mor [2] re·khev ga·mal [1] v'hiq'shiv qe·shev [2] rav־qa·shev [1]
	⁸וַיִּקְרָ֖א [2] Tip'cha אַרְיֵ֑ה [1] Etnachta עַל־מִצְפֶּ֣ה ׀ [4] Legarmeh אֲדֹנָ֗י [3] Revi'i אָנֹכִ֞י [4] Gershayim עֹמֵ֤ד תָּמִיד֙ [3] Pashta יוֹמָ֔ם [2] Zaqef וְעַ֨ל־מִשְׁמַרְתִּ֔י [2] Zaqef אָנֹכִ֥י נִצָּ֖ב [2] Tip'cha כׇּל־הַלֵּילֽוֹת׃ [1] Silluq		⁸vay·yiq'ra [2] ʾar'yeh [1] ʿal־mits'peh [4] ʾa·do·nai [3] ʾa·no·khi [4] ʿo·med ta·mid [3] yo·mam [2] v'ʿal־mish'mar'ti [2] ʾa·no·khi nits·tsav [2] kol־hal·lei·lot [1]
	⁹וְהִנֵּה־זֶ֥ה בָא֙ [3] Pashta רֶ֣כֶב אִ֔ישׁ [2] Zaqef צֶ֖מֶד [2] Tip'cha פָּרָשִׁ֑ים [1] Etnachta וַיַּ֣עַן וַיֹּ֗אמֶר [3] Revi'i נָפְלָ֤ה נָֽפְלָה֙ [3] Pashta בָּבֶ֔ל [2] Zaqef וְכׇל־פְּסִילֵ֥י אֱלֹהֶ֖יהָ [2] Tip'cha שִׁבַּ֥ר לָאָֽרֶץ׃ [1] Silluq		⁹v'hin·neh־zeh va [3] re·khev ʾish [2] tse·med [2] pa·ra·shim [1] vay·yaʿan vay·yo·mer [3] naf'lah naf'lah [3] ba·vel [2] v'khol־p'si·lei ʾe·lo·hei·ha [2] shi·bar laʾa·rets [1]
	¹⁰מְדֻשָׁתִ֖י [2] Tip'cha וּבֶן־גׇּרְנִ֑י [1] Etnachta אֲשֶׁ֣ר שָׁמַ֗עְתִּי [3] Revi'i מֵאֵ֨ת יְהֹוָ֧ה צְבָא֛וֹת [3] Tevir אֱלֹהֵ֥י יִשְׂרָאֵ֖ל [2] Tip'cha הִגַּ֥דְתִּי לָכֶֽם׃ [1] Silluq פ		¹⁰m'du·sha·ti [2] vu·ven־gor'ni [1] ʾa·sher sha·maʿti [3] meʾet A·do·nai ts'vaʾot [3] ʾe·lo·hei yis'raʾel [2] hi·gad'ti la·khem [1] ¶
	¹¹מַשָּׂ֖א [2] Tip'cha דּוּמָ֑ה [1] Etnachta אֵלַי֙ [3] Pashta קֹרֵ֣א מִשֵּׂעִ֔יר [2] Zaqef שֹׁמֵר֙ [3] Pashta מַה־מִּלַּ֔יְלָה [2] Zaqef שֹׁמֵ֖ר [2] Tip'cha מַה־מִּלֵּֽיל׃ [1] Silluq		¹¹mas·sa [2] du·mah [1] ʾe·lai [3] qo·re mis·seʿir [2] sho·mer [3] mah־mmil·lai'lah [2] sho·mer [2] mah־mmil·leil [1]
	¹²אָמַ֣ר שֹׁמֵ֔ר [2] Zaqef אָתָ֥ה בֹ֖קֶר [2] Tip'cha וְגַם־לָ֑יְלָה [1] Etnachta אִם־תִּבְעָי֥וּן בְּעָ֖יוּ [2] Tip'cha שֻׁ֥בוּ אֵתָֽיוּ׃ [1] Silluq פ		¹²ʾa·mar sho·mer [2] ʾa·tah vo·qer [2] v'gam־lai'lah [1] ʾim־tiv'ʿa·yun b'ʿa·yu [2] shu·vu ʾe·ta·yu [1] ¶
	¹³מַשָּׂ֖א [2] Tip'cha בַּעְרָ֑ב [1] Etnachta בַּיַּ֤עַר בַּעְרַב֙ [3] Pashta תָּלִ֔ינוּ [2] Zaqef אֹרְח֖וֹת [2] Tip'cha דְּדָנִֽים׃ [1] Silluq		¹³mas·sa [2] baʿrav [1] bay·yaʿar baʿrav [3] ta·li·nu [2] ʾor'chot [2] d'da·nim [1]
	¹⁴לִקְרַ֥את צָמֵ֖א [2] Tip'cha הֵתָ֣יוּ מָ֑יִם [1] Etnachta יֹֽשְׁבֵי֙ [3] Pashta אֶ֣רֶץ תֵּימָ֔א [2] Zaqef בְּלַחְמ֖וֹ [2] Tip'cha קִדְּמ֥וּ נֹדֵֽד׃ [1] Silluq		¹⁴liq'rat tsa·me [2] he·ta·yu ma·yim [1] yosh'vei [3] ʾe·rets tei·ma [2] b'lach'mo [2] qid'mu no·ded [1]
	¹⁵כִּֽי־מִפְּנֵ֥י חֲרָב֖וֹת [2] Tip'cha נָדָ֑דוּ [1] Etnachta מִפְּנֵ֣י ׀ [4] Legarmeh חֶ֣רֶב נְטוּשָׁ֗ה [3] Revi'i וּמִפְּנֵי֙ [3] Pashta קֶ֣שֶׁת דְּרוּכָ֔ה [2] Zaqef וּמִפְּנֵ֖י [2] Tip'cha כֹּ֥בֶד מִלְחָמָֽה׃ [1] Silluq ס		¹⁵ki־mip'nei cha·ra·vot [2] na·da·du [1] mip'nei [4] che·rev n'tu·shah [3] vu·mip'nei [3] qe·shet d'ru·khah [2] vu·mip'nei [2] ko·ved mil'cha·mah [1] §
	¹⁶כִּי־כֹ֛ה [3] Tevir אָמַ֥ר אֲדֹנָ֖י [2] Tip'cha אֵלָ֑י [1] Etnachta בְּע֤וֹד שָׁנָה֙ [3] Pashta כִּשְׁנֵ֣י שָׂכִ֔יר [2] Zaqef וְכָלָ֖ה [2] Tip'cha כׇּל־כְּב֥וֹד קֵדָֽר׃ [1] Silluq		¹⁶ki־khoh [3] ʾa·mar ʾa·do·nai [2] ʾe·lai [1] b'ʿod sha·nah [3] kish'nei sa·khir [2] v'kha·lah [2] kol־k'vod qe·dar [1]
	¹⁷וּשְׁאָ֧ר מִסְפַּר־קֶ֛שֶׁת [3] Tevir גִּבּוֹרֵ֥י בְנֵֽי־קֵדָ֖ר [2] Tip'cha יִמְעָ֑טוּ [1] Etnachta כִּ֛י [3] Tevir יְהֹוָ֥ה אֱלֹהֵֽי־יִשְׂרָאֵ֖ל [2] Tip'cha דִּבֵּֽר׃ [1] Silluq ס		¹⁷vush'ʾar mis'par־qe·shet [3] gi·bo·rei v'nei־qe·dar [2] yim'ʿa·tu [1] ki [3] A·do·nai ʾe·lo·hei־yis'raʾel [2] di·ber [1] §
			end of Isaiah 21