1 Mekeyid‑u-hid‑u ka Hirusalim, ka siyudad ne in-ugpaan ni Dabid. Minsan ware niyu nasel-angi ka me pegsahakeen niyu tagse leg‑un, 2 piru egpeuyan ded iya ka Manama te kahubut te sika ne siyudad ne egngaranan te “altar te Manama.” Ne due egmaninehew wey egmanlungku, wey egpekeiling ka intiru ne siyudad te altar ne neempet te langesa. 3 Egpalingutan te Manama te me kuntere ka siyudad niyu. Egpatetamunduwan din kandan ka kakiliran te matikang wey makepal ne batu ne alad eyew egbayaan dan te eglusud kaniyu. 4 Ne sikaniyu se me matig-Hirusalim, egmekeyibat kew e te tane, wey egman-naas-naas kew naan de ka eglelalag ne iling te saping diye te diralem te tane.

5 Piru egkabukbuk iling te alinepung ka masulug ne me kuntere niyu, wey eglayap iling te lahami seeye se egmandeeg-deeg te duma. Ne sahuhune 6 ne egleuyen kew se me matig-Hirusalim te Amana ne Maresen ne Magbebaye duma te luhung, linug wey te subla ne kahulub, balisusu, bagyu, wey egkanlabkanlab ne hapuy. 7 Ne egkaawe iling te taheinep wey ke hendue te taheinep de ka langun ne sundalu te me nasud ne miglusud te Hirusalim, ka langun ne panganiban dan wey me kasangkapan dan, wey ka langun de iya. 8 Ne ka langun ne miglibulung ne eglusud te Hirusalim,* Te Hibruwanen: Siyun. Sabeka seini te me ngaran te Hirusalim. egpekeiling te etew ne eggutasan ne nakataheinep ne migkeen sikandin piru te peggimata rin, miggutasan ded sikandin. Ne egpekeiling degma sikandin te etew ne namadmaraan ne nakataheinep ne mig-inum sikandin piru te peggimata rin, mahuye ded sikandin wey ware naawe ka kammara rin.

9 Ne sikaniyu se me matig-Huda, pabulus-bulus kew iya ka egpalilibeg wey pabutud-butud. Pewubug-hubug kew wey papeled-peled piru kene ne tenged te egpekewubug ne inumen. 10  ✡ Rum 11:8.Su impaalineknek kew te Magbebaye. Insagpeng din ka mata te me prupita ne iyan egkitkit kaniyu. 11 Ne ka igpasabut te tagse impakita te Manama, egpekeiling te sabeka ne baseen ne napiket. Ke igpabasa seini te etew ne egpakabasa, egkahi sikandin, “Egmenuwen ku naa te egbasa sika te napiket ma?” 12 Ne emun ke igpabasa seini te etew ne kene egpakabasa, egkahi sikandin, “Kena a egkateu ne egbasa.”

13  ✡ Mat 15:8-9; Mar 7:6-7.Ne migkahi ka Magbebaye, “Ka seini ne me etew, mig-angken ne migsimba sikandan keddi kunaleg te ware bes karuan te egpanlalahen dan wey mariyu ka me pusung dan keddi. Ne ka pegsimba ran keddi sumale de te me suhu te etew. 14  ✡ 1Kur 1:19.Purisu eg-abey ad man‑e eggimu te kein-inuwan diye te kandan, wey egdereetan ku ka katagseb te seeye se mig-angken ne egpakataha wey egpakasabut.”

15 Mekeyid‑u-hid‑u seeye se miggeeles te mareet ne planu ran diye te Magbebaye. Migkahi sikandan te pegkeetew ran, “Ware egpakakita kanami wey ke egpakanengneng naa te eggimuwen ney.” 16  ✡ Isa 45:9; Rum 9:20.Nabaliyung ka me suman-suman dan. Hendei ka subla ne impurtanti, ka kuren wey ke sika se talaggimu? Egpakakahi naa ka inggimu re diye te talaggimu te, “Kene ne sikeykew ka miggimu keddi.” Wey ke egkahi naa, “Ware katuenan nu.”

17 Te kene egkaluhey, egkeyimu e ne pinamulaan ka puwalas te Libanun. Piru egkataman, egkeyimu e man‑e ne iling te puwalas ka pinamulaan.

18 Te sika ne aldew, ka kene egdineg, egpakarineg e te me lalag puun te baseen. Ne ka me butud ne kenad e egpakakita, egpakakite e. 19 Ne egkahale e ka egkengaayu-ayu wey ka me mapariralemen tenged te Magbebaye ne Manama, ka Matulus ne Manama te Israil. 20 Ne egkataman e seeye se egmadeeg-deeg te duma wey egkaawe e seeye se me talagbaley-baley. Ne eggimatayan seeye se migplanu te mareet. 21 Ne egpangaween degma seeye se egpuunan ne egpakasale ka me etew, wey seeye se egbalabag te me talewukum ne egbehey te eleg ne peggukum diye te gumawan te siyudad,† Te timpu dengan ni Isayas, diye te gumawan te siyudad ka husayanan te me kasu. wey seeye se egdeldel te etew ne miggimu te eleg ne ware migsuli te etew ne nakasale kandin.

22 Purisu ka Magbebaye ne Manama ne migluwas ki Abraham, migkahi te kabuhalan ni Hakub, “Kenad e sikandan egkeyilawan wey kenad e egkallalaban. 23 Ne emun ke egkakita ran e ka me anak ne igbehey ku kandan, eg-ileen ad nikandan ne Matulus ne Manama te Israil. Egtahuren ad wey igkaaldek ad nikandan. 24 Ne seeye se nallibeg, egpakasabut e te kamalehetan. Ne seeye se migsagsahukul, egkahale e ne egpanuluen.”