26
Ka peg-uyan ki Hirimiyas diye te hukumanan
1 Te pegbunsud ni Huwakim ne anak ni Husiyas te mighari te Huda, 2 ingkahiyan a te Magbebaye ne Manama, “Sasindeg ka diye te lama te timplu ku. Ipangguhud nu ka langun ne inlalag ku keykew diye te keet-etawan ne egpuun te me siyudad te Huda ne eggendiye te timplu eyew egsimba. Ilalag nu kandan ka langun ne igpalalag ku keykew, wey kene ka kalingew minsan sabeka re ne lalag. 3 Ne kema ke egpammineg sikandan keykew wey eg-inniyug e te maddeet ne me himu ran. Ne emun ke eggimuwen dan sika, kene kud igpabulus ka karereetan ne implanu ku ne igpasalerep kandan tenged te maddeet ne me himu ran. 4 Ne kahii nu sikandan te migkahi a se Magbebaye ne Manama: Emun ke kene kew egpammineg keddiey wey ke egtuman naa te balaud ne imbehey ku kaniyu, 5 wey ke kene kew egpammineg te eglalahen te me suluhuanen ku ne me prupita ne egpanuhuen ku layun minsan ware niyu pammineha, 6 ✡ Huswi 18:1; Sal 78:60; Hir 7:12-14.egdereetan kud ka seini se timplu iling te pegdereet ku te Silu. Ne eggimuwen e te langun ne nasud te kalibutan ne panunggilingan te pegdilus dan ka seini ne siyudad.”
7 Ne nakarineg ka me talagpanubad, me prupita, wey ka langun ne etew te inlalag ku diye te timplu te Magbebaye. 8 Piru te nekeimpus e re iya ka miglalag te impalalag te Magbebaye keddiey, indakep ad e te me talagpanubad, me prupita wey te langun ne etew wey migkahi sikandan, “Eleg ka ne egpatey! 9 Mania te inggamit nu ka ngaran te Magbebaye te egkahi te egguhusen seini se timplu iling te pegguhus te Silu, wey egguhusen seini se siyudad wey warad e egpekeugpe?” Ne inlilingutan ad e te me etew diye te seled te timplu.
10 Te pegkanengnengi te me upisyal te Huda meyitenged te neyitabu, migdagdahew e sikandan migmanlihawang te palasyu wey nangendiyad te timplu. Ne diye sikandan naminnuu te gumawan te timplu ne egngaranan te Iyam ne Gumawan. 11 Ne ingkahiyan e te me talagpanubad wey me prupita ka me upisyal wey ka me etew, “Eleg ne eggukuman te kamatayen ka seini ne etew tenged te inlalag din meyitenged te siyudad ta. Minsan sikaniyu nakarineg kew kandin!”
12 Ne ingkahiyan ku ka langun ne upisyal wey ka me etew, “Insuhu a te Magbebaye eyew iglalag ka langun ne narineg niyu ne inlalag ku meyitenged te seini ne timplu wey te siyudad. 13 Sikan naa, balbalawi niyud ka me batasan niyu wey ka me himu niyu, wey palintutuuwa niyu ka Magbebaye ne Manama niyu. Su ke eggimuwen niyu sika, kene din e igpabulus ka karereetan ne ingkahi rin ne igpaselerep din kaniyu. 14 Ne sikeddi naa, iyan kew e balahad keddiey. Himuwa niyu kayi te keddiey ka minsan nekey ne insuman-suman niyu ne meupiya wey eleg. 15 Piru tantanuri niyu seini: Emun ke eggimatayan a nikaniyu, egpakasale kew e wey ka langun ne mahinged te seini ne siyudad tenged te peggimatey niyu te etew ne ware sale. Su ka malehet, insuhu a te Magbebaye eyew iglalag kaniyu ka langun ne narineg niyu.”
16 Ne ingkahiyan te me upisyal wey te langun ne etew ka me talagpanubad wey me prupita, “Kene ne eleg ne eggukuman sikandin te kamatayen su migpangguhud sikandin kanta pinaahi te ngaran te Magbebaye ne Manama ta.”
17 Ne due me pangulu ne migsasindeg diye te taliware wey ingkahiyan dan ka me etew ne nalibulung, 18 ✡ Mik 3:12.“Te timpu ne si Hisikiyas pad ka Hari te Huda, migpangguhud si prupita Mikiyas ne matig-Musirit te migkahi ka Amana ne Maresen ne Magbebaye diye te keet-etawan te Huda,
‘Ka Hirusalim, egdaruwen iling te kamet,
ne ka Siyun,* Sakup te Hirusalim ka Siyun. egpekeiling te miglatambu ne me batu,
wey egkeyimu ne puwalas ka miglabuntud ne impes-ekan te timplu.’
19 Na, inggimatayan naa sikandin ni Hisikiyas wey ke minsan hentew diye te Huda? Ware! Nasi de iya naaldek si Hisikiyas te Magbebaye, wey migpeyid‑u-hid‑u kandin. Sikan naa ka warad ipabulus te Magbebaye ka karereetan ne igpeula-ula rin perem kandan. Ne emun ke eggimatayan niyu si Hirimiyas, sikaniyu red iya ka egpasalerep kanta langun te makaliyas-liyas ne karereetan.”
20 Ne duen pad man‑e etew ne egngaranan ki Uriyas ne anak ni Simayas ne matig-Kiryat-Hiyarim. Migpangguhud degma sikandin te inlalag te Magbebaye meyitenged te seini ne siyudad wey nasud, iling te inlalag ni Hirimiyas. 21 Te pegkarineg ni Hari Huwakim wey te langun ne upisyal rin wey te pangulu rin te inlalag ni Uriyas, egpeyimatayan din e perem si Uriyas. Piru te pegkarineg ni Uriyas meyitenged kayi, naaldek sikandin wey migpallahuy e sikandin peendiye te Ihiptu. 22 Piru insuhu ni Hari Huwakim si Ilnatan ne anak ni Akbur, wey ka me duma rin eyew te pegdakep ki Uriyas diye te Ihiptu. 23 Ne in-angey ran e sikandin wey in-uyan dan e diye ki Hari Huwakim. Ne impeyimatayan e sikandin te Hari wey imparegpak ka lawa rin diye te lebenganan te me lerew ne me etew.
24 Ne imbulihan a ni Ahikam ne anak ni Sapan, sikan naa ka wara ad e ibehey diye te me etew eyew eggimatayan.